22 Diaka, bansekudi yina katukaka na Yeruzalemi vandaka kutuba nde: “Yandi kele ti Belezebule,* mpi yandi ke basisa bademo na nsadisa ya mfumu ya bademo.”+ 23 Yo yina, yandi songaka bo na kukwisa pene-pene na yandi, ebuna yandi tubilaka bo na bingana nde: “Inki mutindu Satana lenda basisa Satana? 24 Kana kimfumu mosi me kabwana na kati na yo, kimfumu yina lenda zinga ve;+ 25 mpi kana nzo mosi me kabwana na kati na yo, nzo yina ta zinga ve. 26 Diaka, kana Satana me kudikumisa mbeni na yandi mosi mpi me kabwana, yandi lenda zinga ve, kansi yo ta vanda nsuka na yandi. 27 Ya kieleka, muntu mosi ve yina ke kota na nzo ya muntu mosi ya ngolo lenda yiba bima na yandi kana yandi kanga ntete ve muntu yina ya ngolo bansinga. Yandi lenda yiba bima ya nzo na yandi kaka kana yandi sala mutindu yina.

15 Kansi bantu ya nkaka na kati na bo tubaka nde: “Yandi ke basisa bademo na nsadisa ya Belezebule,* mfumu ya bademo.”+ 16 Ebuna sambu na kumeka yandi, bantu ya nkaka yantikaka kulomba yandi na kupesa bo kidimbu+ mosi ya me katuka na zulu. 17 Sambu yandi zabaka bangindu na bo,+ yandi tubilaka bo nde: “Konso kimfumu yina kele ya kukabwana na kati na yo ke fwaka, mpi nzo yina kele ya kukabwana na kati na yo ke bwaka. 18 Mutindu mosi, kana Satana mpi me kabwana na kati na yandi, nki mutindu kimfumu na yandi ta zinga? Sambu beno ke tuba nde mono ke basisa bademo na nzila ya Belezebule. 19 Kana mono ke basisa bademo na nzila ya Belezebule, ebuna bana na beno ke basisaka bo na nzila ya nani? Yo yina bo ta vanda bazuzi na beno. 20 Kansi, kana mono ke basisaka bademo na nsadisa ya musapi ya Nzambi,+ yo ke songa nde Kimfumu ya Nzambi me kumina beno na kintulumukina.+ 21 Kana muntu mosi ya ngolo, yina kele ti binwaninu ya me fwana ke kengila nzo na yandi, bima na yandi ke vandaka na lutaninu. 22 Kansi kana muntu mosi ya me luta yandi na ngolo me kwisa kunwanisa yandi mpi me nunga yandi, muntu yina ta botula binwaninu na yandi yonso yina yandi vandaka kutudila ntima, mpi yandi ta kabisa bima yina yandi me botula yandi. 23 Konso muntu yina kele ve na lweka na mono kele mbeni na mono, mpi konso muntu yina ke vukisa ve ti mono ke panza.+