Watchtower MIKANDA YA KE NA INTERNET

Nkunga 22:16-18

Biblia—Mbalula ya Nsi-Ntoto ya Mpa
- 16 Sambu bambwa me ziunga mono;+
  Bo me kuma pene-pene na mono bonso kimvuka ya bantu ya ke salaka mambi,+
  Bo ke tatika mono na maboko mpi na makulu bonso ntambu.+
  
  17 Mono lenda tanga mikwa na mono yonso.+
  
  Bo ke tala mpi bo ke tala-tala mono.
  
  18 Bo ke kabula bilele na mono bo na bo,
  Mpi bo ke budila bilele na mono zeke.+

Yezaya 53:1-12

Biblia—Mbalula ya Nsi-Ntoto ya Mpa
- 53 Nani me kwikilaka diambu yina bo waka na beto?*+
  
  Mpi na yina me tala diboko ya Yehowa,+ na nani bo me monisaka yo?+
  
  2 Yandi ta basika bonso ka-lutangu+ na ntwala na yandi,* bonso musisa na ntoto ya kuyuma.
  
  Yandi ke monika nene ve, yandi kele mpi ve ti lukumu;+
  Mpi ntangu beto ke mona yandi, luse na yandi ke benda beto ve pene-pene na yandi.*
  
  3 Bantu vwezaka yandi mpi buyaka yandi,+
  Muntu yina yo lombaka nde yandi mona* mpasi mpi yina yikanaka ti maladi.
  
  Yo vandaka bonso nde bo bumbilaka beto luse na yandi.*
  
  Bo vwezaka yandi, mpi beto bakaka yandi bonso muntu ya mpamba.+
  
  4 Ya kieleka yandi mosi nataka maladi na beto,+
  Mpi yandi nataka bampasi na beto.+
  
  Kansi beto tadilaka yandi bonso muntu yina Nzambi me niokula, me bula, mpi me pesa mpasi.
  
  5 Kansi bo tobulaka yandi+ sambu na mbi na beto;+
  Bo monisaka yandi mpasi sambu na bifu na beto.+
  
  Yandi nataka ndola sambu na ngemba na beto,+
  Mpi beto belukaka sambu na bamputa na yandi.+
  
  6 Bonso mameme beto yonso vandaka kuyungana-yungana,+
  Konso muntu vandaka kukwenda na nzila na yandi,
  Ebuna Yehowa salaka nde kifu na beto yonso kuvanda na zulu na yandi.+
  
  7 Bo niokulaka yandi+ mpi yandi bikaka nde bo monisa yandi mpasi,+
  Kansi yandi kangulaka ve munoko na yandi.
  
  Bo nataka yandi bonso dimeme ya bo ke kwenda kufwa,+
  Bonso dimeme yina ke bikala pima na ntwala ya bantu yina ke zenga yo mika,
  Mpi yandi kangulaka ve munoko na yandi.+
  
  8 Bo katulaka yandi sambu na lusambisu ya kukonda lunungu;*
  Ebuna nani ta kudibanza sambu na mambu ya me tala ndonga ya bantu na yandi?*
  
  Sambu bo katulaka yandi na insi ya bantu ya moyo;+
  Bo bulaka yandi*+ sambu na mbi ya bantu na mono.
  
  9 Bo pesaka yandi maziamu* kisika mosi ti bantu ya mbi,+
  Mpi ti bamvwama* na lufwa na yandi,+
  Ata yandi salaka mbi ve*
  Mpi luvunu vandaka ve na munoko na yandi.+
  
  10 Kansi luzolo ya Yehowa vandaka* nde yandi mona mpasi, mpi yandi bikaka nde yandi baka maladi.
  
  Kana nge pesa luzingu* na yandi bonso dikabu sambu na makambu,+
  Yandi ta mona bana* na yandi, yandi ta kumisa bilumbu na yandi nda,+
  Ebuna na nzila na yandi, kiese* ya Yehowa ta nunga.+
  
  11 Sambu na mpasi na yandi,* yandi ta mona mpi ta sepela.
  
  Na nzila ya nzayilu na yandi, muntu ya lunungu, nsadi na mono,+
  Ta nata bantu mingi na kuvanda bantu ya lunungu,+
  Mpi yandi ta nata bifu na bo.+
  
  12 Yo yina mono ta pesa yandi kitini mosi na kati ya bantu mingi,
  Mpi yandi ta kabula ti bantu ya ngolo bima ya bo botulaka,
  Sambu yandi pesaka luzingu na yandi tii na lufwa*+
  Mpi bo tangaka yandi na kati ya bantu ya ke fwaka nsiku;+
  Yandi nataka disumu ya bantu mingi,+
  Mpi yandi bondilaka sambu na mambu ya mbi+ ya bantu.

Daniele 9:26

Biblia—Mbalula ya Nsi-Ntoto ya Mpa
- 26 “Ebuna na nima ya bamposo 62 yina, bo ta fwa* Mesia,+ mpi kima mosi ve ta bikala sambu na yandi.+
  
  “Mpi bantu ya ntwadisi mosi yina ke kwisa ta fwa mbanza yina mpi kisika ya santu.+ Ebuna nsuka na yo ta vanda bonso na mvula ya ngolo. Mpi bitumba ta vanda tii na nsuka; Nzambi me baka lukanu nde lufwa ta vanda.+