45 Sambu na muntu ya lepre yina kele ti maladi yina, bo fwete pasula bilele na yandi, mpi yandi fwete bika nde nsuki ya ntu na yandi kukuma nda mpi kisaka-saka, mpi yandi fwete fika munoko* na yandi mpi kutuba na ndinga ya ngolo nde, ‘Mvindu, mvindu!’ 46 Yandi ta vanda mvindu ntangu yonso yina yandi kele ti maladi yina. Sambu yandi kele mvindu, yandi fwete zinga na kingenga. Kisika na yandi ya kuzinga ta vanda na nganda ya camp.+