• Matayo 27:55, 56
    Biblia—Mbalula ya Nsi-Ntoto ya Mpa

    • 55 Bankento mingi vandaka pana, bo telamaka mwa ntama bo ke tala; bo katukaka na Galilea mpi bo kwisaka kufidisa Yezu sambu na kusadisa yandi;+ 56 na kati na bo kuvandaka Maria Magdala, Maria mama ya Yakobo ti Yoze, mpi mama ya bana ya Zebedeo.+

  • Marko 15:40, 41
    Biblia—Mbalula ya Nsi-Ntoto ya Mpa

    • 40 Kuvandaka mpi ti bankento yina vandaka mwa ntama bo ke tala, mpi na kati na bo Maria ya Magdala, Maria mama ya Yakobo ya Leke* ti Yoze, mpi Salome,+ 41 bayina vandaka kufidisa yandi mpi kusadila yandi+ ntangu yandi vandaka na Galilea, mpi bankento mingi ya nkaka yina kwisaka ti yandi na Yeruzalemi.

  • Luka 8:2, 3
    Biblia—Mbalula ya Nsi-Ntoto ya Mpa

    • 2 bankento ya nkaka yina belukaka na bampeve ya mbi mpi na bamaladi vandaka ti yandi mpi: Maria yina bo vandaka kubinga Magdala, yina bademo nsambwadi basikaka na yandi; 3 Yoana+ nkento ya Kuza, kapita ya Erode; Suzana; ti bankento mingi ya nkaka, yina vandaka kusadila bima na bo sambu na kusadila bo.+