29 Mono me zaba nde kana mono kwenda, bibulu ya nku ta kota na kati na beno+ mpi bo ta sadila ve mameme mambu ti mawete, 30 mpi na kati na beno mosi, bantu ta basika mpi ta tuba mambu ya nioka-nioka sambu na kubenda balongoki na kulanda bo.+

2 Kansi, bambikudi ya luvunu kwisaka kubasika mpi na kati ya bantu; mutindu mosi mpi, balongi ya luvunu ta kwisa kubasika na kati na beno.+ Bantu yai ta kotisa na kinsweki yonso tu-mabundu yina ta fwa lukwikilu na beno mpi bo ta buya nkutu munkwa na bo yina sumbaka bo,+ mpi bo ta kudinatila lufwa nswalu.