Nkunga
Ya Davidi.
138 Mono ta kumisa nge na ntima na mono ya mvimba.+
Na ntwala ya banzambi ya nkaka,
Mono ta yimba bankunga ya lukumu.*
2 Mono ta fukama luse na ndambu ya tempelo na nge ya santu,*+
Mpi mono ta kumisa zina na nge+
Sambu na zola na nge ya kwikama mpi kwikama na nge.
Sambu nge me kembila mambu ya nge ke tubaka mpi zina na nge kuluta bima yonso ya nkaka.*
4 Bantotila yonso ya ntoto ta kumisa nge, O Yehowa,+
Sambu bo ta wa balusilu yina nge pesaka.
5 Bo ta yimba sambu na banzila ya Yehowa,
Sambu nkembo ya Yehowa kele nene.+
6 Ata Yehowa kele na zulu kibeni, yandi ke talaka muntu ya kudikulumusa,+
Kansi yandi ke zabaka muntu ya lulendo kaka na ntama.+
7 Ata ntangu mono ke tambula na kati ya kigonsa, nge ta bikisa mono na luzingu.+
Nge ke tandula diboko na nge sambu na kukanga makasi ya bambeni na mono;
Diboko na nge ya kitata ta gulusa mono.
8 Yehowa ta sala mambu yonso sambu na mono.