Kutanga
24 Ntangu Balami monaka nde yo sepedisaka* Yehowa na kusakumuna Izraele, yandi kwendaka diaka ve kisika ya nkaka sambu na kusosa bidimbu ya mambu ya mbi yina ke kwisa,+ kansi yandi balusaka luse na yandi na ndambu ya ntoto-makanga. 2 Ntangu Balami talaka mpi monaka Izraele me sala camp na kutadila makanda na yandi,+ mpeve ya Nzambi kwisilaka yandi.+ 3 Na nima yandi tubaka kingana yai:+
“Mambu yina Balami mwana ya Beore tubaka,
Mpi mambu yina muntu ya bo me kangulaka meso tubaka,
4 Mambu yina muntu ya ke waka ndinga ya Nzambi tubaka,
Muntu yina monaka mbona-meso ya Nkwa-Ngolo Yonso,
Muntu yina me fukama meso ya kukangula:+
5 O Yakobi, batenta na nge kele kitoko kibeni,
O Izraele,+ banzo-tenta na nge kele kitoko kibeni!
6 Bonso miwanda, yo me yalumuka na kitamina ya nda,+
Bonso bilanga na lweka ya nzadi,
Bonso banti ya aloesi yina Yehowa me kunaka,
Bonso banti ya sedre na lweka ya masa.
7 Masa ke landa kubasika na bakantini na yandi zole ya mpusu ya mbisi,
8 Nzambi ke basisa yandi na Ezipte;
Yandi kele bonso bibongo ya mpakasa sambu na bo.
Yandi ta yoka makanda tiya, miniokudi na yandi,+
Yandi ta buka mikwa na bo, mpi ta panza bo ti batolo-tolo na yandi.
9 Yandi me kondama, yandi me lala bonso ntambu,
Mpi bonso ntambu, nani ke meka kutedimisa yandi?
Bantu yina ke sakumuna nge, bo ta sakumuna bo,
Mpi bantu yina ke singa nge, bo ta singa bo.”+
10 Ebuna Balaki wilaka Balami makasi ya ngolo. Balaki bulaka maboko na kuvweza yonso mpi tubilaka Balami nde: “Mono bingaka nge+ sambu na kusinga bambeni na mono, kansi ntangu yai nge me sakumuna bo mbala tatu yai. 11 Ntangu yai, vutuka mbala mosi na insi na nge. Mono vandaka ti dibanza ya kupesa nge lukumu mingi,+ kansi Yehowa me yimina nge lukumu.”
12 Balami vutudilaka Balaki nde: “Keti mono tubilaka ve binati-nsangu yina nge tindaka nde, 13 ‘Ata Balaki zolaka kupesa mono nzo na yandi ya kufuluka ti arza mpi wolo, na luzolo na mono mosi,* mono zolaka ve kusala ata diambu mosi yina Yehowa me pesa ve nsiku, yo vanda ya mbote to ya mbi. Mono ta tuba kaka mambu yina Yehowa ta songa mono’?+ 14 Mpi ntangu yai, mono ke vutuka na bantu na mono. Kwisa, mono songa nge mambu yina bantu yai ta sala bantu na nge na bilumbu yina ke kwisa.”* 15 Ebuna yandi tubaka kingana yai:+
“Mambu yina Balami mwana ya Beore tubaka,
Mpi mambu yina muntu ya bo me kangulaka meso tubaka,+
16 Mambu yina muntu ya ke waka ndinga ya Nzambi tubaka,
Mpi muntu yina kele ti nzayilu ya Muntu ya Kuluta Zulu,
Yandi monaka mbona-meso ya Nkwa-Ngolo Yonso
Ntangu yandi vandaka kufukama meso ya kukangula:
17 Mono ta mona yandi, kansi ntangu yai ve;
Mono ta tala yandi, kansi sesepi yai ve.
18 Mpi Edomi ta kuma kima+ ya bantu,
Ee, Seire+ ta kuma kima ya bambeni+ na yandi,
Ntangu Izraele ke monisa kikesa na yandi.
19 Muntu mosi ta basika na Yakobi mpi ta bedisa+ bantu,
Mpi yandi ta fwa konso muntu yina ta bikala na luzingu na mbanza yina.”
20 Ntangu yandi monaka Amaleki, yandi landaka kutuba kingana na yandi:
21 Ntangu yandi monaka bantu ya Keni,+ yandi landaka kutuba kingana na yandi:
“Kisika na nge ya kuzinga kele na lutaninu, mpi nzo na nge kele na kati ya ditadi.
22 Kansi muntu mosi ta yoka Kayini tiya.
Ntangu ikwa na ntwala nde Asiria kunata nge na kimpika?”
23 Mpi yandi landaka kutuba kingana na yandi:
“Mawa! Nani ta guluka ntangu Nzambi ta sala diambu yai?
24 Bamaswa ta katuka na dibungu ya Kitimi+ mpi ta kwisa,
Yo ta monisa Asiria+ mpasi,
Mpi yo ta monisa Ebere mpasi.
Kansi yandi mpi ta fwa kibeni.”
25 Na nima, Balami+ telamaka, kwendaka, mpi vutukaka na insi na yandi. Balaki mpi kwendaka na nzila na yandi.