Nkunga
2 Beno yimbila yandi, beno yimba bankunga* sambu na kukumisa yandi,
3 Beno kudikumisa sambu na zina na yandi ya santu.+
Bika nde bantima ya bantu yina ke sosaka Yehowa kuwa kiese.+
4 Beno sosa Yehowa+ mpi ngolo na yandi.
Beno sosa luse na yandi ntangu yonso.
5 Beno yibuka bisalu ya kuyituka yina yandi me salaka,
Bimangu na yandi mpi makambu yina yandi me zengaka,+
6 Beno bana* ya nsadi na yandi Abrahami,+
Beno bana ya Yakobi, bantu ya yandi me solaka.+
7 Yandi kele Yehowa Nzambi na beto.+
Balusambisu na yandi kele na ntoto ya mvimba.+
8 Yandi ke yibukaka kuwakana na yandi kimakulu,+
Mambu yina yandi silaka,* na bandonga funda ya bantu,+
9 Kuwakana yina yandi salaka ti Abrahami,+
Mpi ndefi yina yandi diaka na ntwala ya Izaki,+
10 Yina yandi tulaka bonso nsiku sambu na Yakobi
Mpi bonso kuwakana ya mvula na mvula sambu na Izraele,
11 Nde, “Mono ta pesa nge insi ya Kanana+
Bonso dikabu yina bo me pesa nge.”+
12 Yo salamaka ntangu bo vandaka bantu fioti,+
Ee, fioti kibeni, mpi bo vandaka banzenza na insi yina.+
13 Bo tambula-tambulaka katuka na dikanda mosi tii na dikanda ya nkaka,
Katuka na kimfumu mosi tii na bantu ya nkaka.+
14 Yandi pesaka ve ata muntu mosi nzila ya kuniokula bo,+
Kansi yandi nganinaka bantotila sambu na bo,+
15 Nde, “Beno simba ve bantu ya mono me tulaka mafuta,
Mpi beno sala ve bambikudi na mono ata kima mosi ya mbi.”+
17 Yandi tindaka na ntwala na bo muntu mosi
Yina bo tekaka sambu yandi vanda mpika, Yozefi.+
18 Bo kangaka makulu na yandi ti miniololo,*+
Bo tulaka nkingu na yandi na bibende;*
19 Tii ntangu ndinga na yandi lunganaka,+
Mambu yina Yehowa ke tubaka kumisaka yandi bunkete.
20 Ntotila tindaka bantu sambu na kubasisa yandi,+
Mfumu ya bantu pesaka yandi kimpwanza.
21 Yandi kumisaka yandi mfumu ya bantu ya nzo na yandi,
Muntu yina vandaka kutala bima na yandi yonso,+
22 Sambu yandi vanda na kiyeka na zulu ya* bamfumu na yandi mutindu yandi me zola*
Mpi sambu na kulonga bankuluntu na yandi mayele.+
23 Ebuna Izraele kwisaka na Ezipte,+
Mpi Yakobi zingaka bonso munzenza na insi ya Kami.
24 Nzambi salaka nde bantu na yandi kubuta mingi;+
Yandi kumisaka bo ngolo kuluta bambeni na bo,+
25 Bayina yandi bikaka nde bantima na bo kukuma kumenga bantu na yandi,
Sambu bo kanina bansadi na yandi.+
27 Bo salaka bidimbu na yandi na kati na bo,
Bimangu na yandi na insi ya Kami.+
28 Yandi tindaka mudidi mpi insi yina kumaka mpimpa;+
Bo kolamaka ve na mambu yina yandi tubaka.
29 Yandi kumisaka bamasa na bo menga
Mpi yandi fwaka bambisi na bo ya masa.+
30 Insi na bo fulukaka ti makototo,+
Ata na basuku ya ntotila.
31 Yandi tindaka biningi-ningi sambu na kukota kuna
Mpi bambembele na bateritware na bo yonso.+
33 Yandi fwaka banti na bo ya vinu ti banti na bo ya bafige
Mpi yandi buka-bukaka banti ya teritware na bo.
34 Yandi tubaka nde bampasu fwete kota kuna,
Bana ya bampasu yina bo lenda tanga ve.+
35 Bo diaka bimenina yonso na insi yina,
Mpi bo diaka bambuma ya ntoto.
36 Na nima yandi fwaka konso mwana ya ntete na insi na bo,+
Luyantiku ya ngolo na bo ya kubuta.
37 Yandi basisaka bantu na yandi ti arza mpi wolo;+
Mpi muntu mosi ve bulaka sakuba na kati ya makanda na yandi.
39 Yandi yalumunaka dituti sambu na kufika bo+
Mpi tiya sambu na kupesa nsemo na mpimpa.+
40 Bo lombaka, ebuna yandi nataka bandeke yina vandaka bonso bangwadi;+
Yandi landaka kupesa bo mampa mingi yina katukaka na zulu.+
42 Sambu yandi yibukaka lusilu ya santu yina yandi silaka na Abrahami nsadi na yandi.+
43 Yo yina yandi basisaka bantu na yandi na kiese,+
Bantu yina yandi me solaka ti milolo ya kiese.
44 Yandi pesaka bo bantoto ya makanda;+
Bo bakaka dikabu ya bima yina bantu ya nkaka salaka ngolo na kubasisa,+
45 Sambu bo tanina bantuma na yandi+
Mpi bo zitisa bansiku na yandi.
Beno kumisa Yah!*