Nkunga
Ya Davidi.
144 Bika Yehowa, Ditadi na mono,+ kubaka lukumu,
Muntu yina ke longa maboko na mono bitumba,
Mpi ke longa misapi na mono mvita.+
2 Yandi kele zola na mono ya kwikama mpi kisika na mono ya ngolo ya lutaninu,
Kisika na mono ya mbote ya kubumbana* mpi ngulusi na mono,
Kitaninu na mono mpi muntu yina mono me baka lutaninu na yandi,+
Muntu yina ke tula bantu na nsi na mono.+
3 O Yehowa, muntu kele nani sambu nge mona yandi,
Mwana ya muntu kele nani sambu nge tudila yandi dikebi?+
6 Sala nde nzasi kubasisa nsemo mpi panza mbeni;+
Losa batolo-tolo na nge mpi kumisa bo kisaka-saka.+
7 Tandula maboko na nge katuka na zulu;
Gulusa mono mpi basisa mono na bamasa ya ke dasuka,
Na maboko ya banzenza,+
8 Yina minoko na bo ke tubaka luvunu
Mpi yina ke nangula maboko na bo ya kitata sambu na kuzenga kieleka na mambu ya luvunu.*
9 O Nzambi, mono ta yimbila nge nkunga ya mpa.+
Mono ta yimba bankunga* sambu na kukumisa nge, ti kima ya kubudila miziki yina kele ti bansinga kumi,
10 Muntu yina ke nungisa* bantotila,+
Muntu yina ke gulusa nsadi na yandi Davidi na mbele ya bitumba yina ke fwaka.+
11 Gulusa mono mpi katula mono na maboko ya banzenza,
Yina minoko na bo ke tubaka luvunu
Mpi yina ke nangulaka diboko na bo ya kitata sambu na kuzenga kieleka na mambu ya luvunu.
12 Ebuna bana na beto ya baba- kala ta vanda bonso banti ya fioti yina ke yela nswalu,
Bana na beto ya bankento ta vanda bonso makunzi ya binkonko yina bo me tula bonso bifwanisu na nzo ya ntotila.
13 Banzo na beto ya kubumbila bima ta fuluka ti bima ya mutindu na mutindu;
Bitwisi na beto na banseke ta kuma mingi mbala mafunda, bambala makumi ya mafunda.
14 Bangombe na beto yina ta vanda na mavumu, mavumu na yo ta basika ve mpi bana na yo ta fwa ve;
Mpi kudila ya mawa ta vanda ve na babala-bala na beto ya nene.
15 Kiese na bantu yina mambu kele mutindu yai sambu na bo!
Kiese na bantu yina Yehowa kele Nzambi na bo!+