YOELE
1 Ndinga ya Yehowa yina kwisilaka Yoele* mwana ya Petuele:
Keti diambu ya mutindu yai salamaka na bilumbu na beno
To na bilumbu ya ba-nkaka na beno?+
3 Beno zabisa yo na bana na beno,
Mpi bika bana na beno kuzabisa yo na bana na bo,
Ebuna bana na bo na ndonga ya bantu yina ke kwisa.
4 Bima yina bampasu ya ke bebisaka bima bikisaka, bampasu ya ke tambulaka na kimvuka me dia yo;+
Bima yina bampasu ya ke tambulaka na kimvuka bikisaka, bampasu ya me konda mansala me dia yo;
Mpi bima yina bampasu ya me konda mansala me bikisa, bampasu ya lukasi me dia yo.+
5 Beno telama, beno bantu ya ke lawukaka malafu,+ mpi beno dila!
Beno dila, beno yonso bantu ya ke nwaka vinu,
Sambu bo me katula vinu ya sukadi na munoko na beno.+
6 Sambu dikanda mosi me kota na insi na mono, dikanda ya ngolo mpi yina bo lenda tanga ve ntalu ya bantu na yo.+
Meno na yo kele meno ya ntambu,+ mpi bambwanga na yo kele bambwanga ya ntambu.
7 Yo me bebisa nti na mono ya vinu mpi yo me sala nde nti na mono ya bafige kukuma kisina ya nti,
Yo me katula yo bampusu yonso mpi me losa yo na lweka,
Yo me bikisa balutangu na yo mpembe.
9 Dikabu ya mbuma+ mpi dikabu ya malafu+ me mana na nzo ya Yehowa;
Banganga-nzambi, bansadi ya Yehowa, ke dila.
10 Bo me bebisa bilanga, ntoto ke dila;+
Sambu bo me bebisa nkeni, vinu ya mpa me yuma, mafuta me mana.+
11 Bantu ya ke salaka bilanga kele na mawa, bantu ya ke salaka bilanga ya vinu ke dila,
Sambu na ble mpi orze;
Sambu bima ya bilanga me beba.
12 Nti ya vinu me yuma,
Nti ya bafige me kawuka.
Nti ya bagrenade, diba, mpi nti ya bapome,
Banti yonso ya bilanga me yuma;+
Sambu kiese me kuma nsoni na kati ya bantu.
13 Beno banganga-nzambi, beno lwata basaki* mpi beno dila;*
Beno bantu yina ke salaka na mesa-kimenga, beno dila.+
Beno bansadi ya Nzambi na mono, beno kota mpi beno lala na basaki;
Sambu bo me buyisa dikabu ya mbuma+ mpi dikabu ya malafu+ na nzo ya Nzambi na beno.
14 Beno songa bantu na* kubuya madia; beno binga bantu na lukutakanu ya santu.+
Beno vukisa bankuluntu, ti bantu yonso ya ke zingaka na insi,
Na nzo ya Yehowa Nzambi na beno,+ mpi beno didila Yehowa sambu yandi sadisa beno.
15 Mawa sambu na kilumbu yina!
Sambu kilumbu ya Yehowa me finama,+
Mpi yo ta kwisa bonso lufwa yina me katuka na Nkwa-Ngolo Yonso!
16 Keti bo me katula ve madia na meso na beto kibeni,
Mpi keti bo me katula ve kuyangalala mpi kiese na nzo ya Nzambi na beto?
17 Bankeni* me beba na nsi ya bapawu na bo.
Banzo ya kubumbila bima me bikala mpamba.
Bo me bwisa bisika ya kubumbila bambuma, sambu mbuma me yuma.
18 Ata bitwisi ke dila!
Bangombe ke yungana-yungana mpi me kuma kisaka-saka, sambu yo kele ve ti kisika ya kudia matiti!
Bimvuka ya mameme ke mona mpi mpasi.
19 O Yehowa, mono ta binga nge;+
Sambu tiya me yoka banseke ya ntoto-makanga,
Mpi ludimi ya tiya me yoka banti yonso ya kilanga.
20 Ata bambisi ya mfinda kele na nzala na nge ya ngolo,
Sambu banto ya masa me yuma
Mpi tiya me yoka banseke ya ntoto-makanga.”
2 “Beno bula kibongo na Sioni!+
Beno tula mulolo ya bitumba na ngumba na mono ya santu.
2 Yo kele kilumbu ya mudidi mpi ya mpimpa,+
Kilumbu ya matuti mpi ya mpimpa ya ngolo,+
Bonso nsemo ya suka yina ke yalumuka na zulu ya bangumba.
Kele ti dikanda mosi ya bantu mingi mpi ya ngolo;+
Dikanda mosi ve me vandaka ntete bonso bo,
Mpi ta vandaka diaka ve ti dikanda ya nkaka bonso bo
Na bamvula ya bandonga yonso ya bantu.
3 Na ntwala na bo, tiya ke yoka,
Mpi na nima na bo, ludimi ya tiya ke yoka.+
Insi yina kele na ntwala na bo kele bonso kilanga ya Edeni,+
Kansi ntoto-makanga kele na nima na bo,
Mpi kima mosi ve lenda tina.
4 Bo ke monana bonso bampunda,
Mpi bo ke baka ntinu bonso bampunda ya bitumba.+
5 Makelele na bo kele bonso makelele ya bapusu-pusu ntangu yo ke tombuka na bansongi ya bangumba,+
Bonso makelele ya tiya ya ngolo yina ke yoka nianga.
Bo kele bonso bantu ya ngolo yina me yilama sambu na bitumba.+
6 Sambu na bo, bantu ta vanda na mpasi ya ngolo.
Konso luse ta kuma mbwaki.
7 Bo ke nwana bonso bantu ya ke nwanaka bitumba,
Bo ke mata kibaka bonso basoda,
Konso mpasu ke landa nzila na yo,
Mpi bo ke soba ve banzila na bo.
8 Mpasu mosi ve ke yina mpasu ya nkaka;
Konso muntu ke kwenda na nzila na yandi.
Kana binwaninu* kubwisa bampasu ya nkaka,
Bampasu ya nkaka ke katuka ve na bandonga.
9 Bo ke kota ntinu na mbanza, bo ke baka ntinu na kibaka.
Bo ke mata na banzo, bo ke kota na banela bonso miyibi.
10 Na ntwala na bo insi ke tekita mpi zulu ke nikana.
Ntangu mpi ngonda me kuma mpimpa,+
Mpi bambwetete me vidisa nsemo na yo.
11 Yehowa ta tombula ndinga na ntwala ya makesa na yandi,+ sambu bantu ya camp na yandi kele mingi kibeni.+
Sambu muntu yina ke lungisa ndinga na yandi kele ngolo;
Sambu kilumbu ya Yehowa kele nene mpi yo ke pesa boma mingi.+
Nani lenda kangila yo ntima?”+
12 “Kansi ata ntangu yai,” Yehowa muntu me tuba, “beno vutukila mono na ntima na beno ya mvimba,+
Ti kubuya madia,+ kudila, mpi milolo.
13 Beno pasula bantima na beno,+ kansi bilele na beno ve,+
Mpi beno vutukila Yehowa Nzambi na beno,
Sambu yandi ke fwilaka bantu nkenda* mpi ke wilaka bo mawa, yandi ke waka makasi nswalu ve+ mpi kele ya kufuluka na zola ya kwikama,+
Mpi yandi ta tadila diaka* mpasi yina.
14 Nani me zaba kana yandi ta balula ngindu mpi ta wa mawa*+
Mpi kubikisa lusakumunu,
Dikabu ya mbuma mpi dikabu ya malafu sambu na Yehowa Nzambi na beno?
15 Beno bula kibongo na Sioni!
Beno songa bantu na* kubuya madia; beno binga bantu na lukutakanu ya santu.+
16 Beno vukisa bantu; beno santisa dibundu.+
Beno vukisa bambuta;* beno vukisa bana mpi bana yina ke nwa mabele.+
Bika nde bakala yina ke kwela kubasika na suku na yandi ya kati, mpi nkento yina ke kwela kubasika na suku na yandi ya makwela.
17 Na kati-kati ya kisika ya kukotila mpi mesa-kimenga+
Bika banganga-nzambi, bansadi ya Yehowa, kudila mpi kutuba nde:
‘O Yehowa, wila bantu na nge mawa;
Kukumisa ve dikabu na nge kima ya kuvweza,
Kubika ve nde makanda kuyala bo.
Sambu na nki bantu fwete tuba nde, “Nzambi na bo kele na wapi?”’+
19 Yehowa ta vutudila bantu na yandi nde:
‘Mono ke tindila beno bima, vinu ya mpa, mpi mafuta,
Mpi beno ta fuluka kibeni;+
Mono ta kumisa beno diaka ve kima ya nsoni na kati ya makanda.+
20 Mono ta kula muntu ya nordi ntama ti beno;
Mono ta panza yandi na ntoto ya kuyuma mpi ya mpamba yina bantu ke zingaka ve,
Basoda na yandi ya ke kengilaka na ntwala* ta vanda na ndambu ya nzadi-mungwa ya esti*
Mpi basoda na yandi ya ke kengilaka na nima ta vanda na ndambu ya nzadi-mungwa ya westi.*
Nsudi na yandi ya mbi ta tombuka,
Nsudi na yandi ya kupola ta landa kutombuka;+
Sambu Yandi ta sala mambu ya nene.’
21 O insi, kuwa boma ve.
Vanda na kiese mpi yangalala, sambu Yehowa ta sala mambu ya nene.
22 Beno wa boma ve, beno bambisi ya mfinda,
Sambu banseke ya ntoto-makanga ta kuma mubisu,+
Mpi banti ta buta bambuma;+
Banti ya bafige mpi ya vinu fwete buta bambuma mingi.+
23 Beno bana ya Sioni, beno vanda na kiese mpi beno yangalala na Yehowa Nzambi na beno;+
Sambu yandi ta pesa beno mvula ya ntete na kiteso ya me fwana,
Mpi yandi ta tindila beno mvula ya ngolo,
Mvula ya ntete mpi mvula ya nsuka, mutindu yandi vandaka kusala ntete.+
24 Bisika ya bo ke tutaka bambuma sambu na kukatula yo bampusu ta fuluka ti mbuma ya bunkete,
Mpi bikamuninu ta fuluka ti vinu ya mpa mpi mafuta.+
25 Ebuna mono ta futa beno bamvula
Yina bampasu ya ke tambulaka na kimvuka, bampasu ya me konda mansala, bampasu ya lukasi, mpi bampasu ya ke bebisaka bima diaka,
Makesa na mono ya nene yina mono tindaka na kati na beno.+
26 Ya kieleka, beno ta dia tii kuna beno ta fuluka,+
Mpi beno ta kumisa zina ya Yehowa Nzambi na beno,+
Yina me sala mambu ya kuyituka sambu na beno;
Bo ta pesa diaka ve bantu na mono nsoni.+
27 Mpi beno ta zaba kibeni nde mono kele na kati ya Izraele+
Mpi nde mono kele Yehowa Nzambi na beno+—ya nkaka kele ve!
Bo ta pesa diaka ve bantu na mono nsoni.
28 Na nima, mono ta tiamuna mpeve na mono+ na zulu ya bantu ya mitindu yonso,
Ebuna bana na beno ya babakala mpi ya bankento ta bikula,
Minunu na beno ta lala bandosi,
Mpi batoko na beno ta mona bambona-meso.+
29 Mpi ata na zulu ya bampika na mono ya babakala mpi ya bampika na mono ya bankento
Mono ta tiamuna mpeve na mono na bilumbu yina.
31 Ntangu ta kuma mpimpa mpi ngonda ta kuma menga+
Na ntwala nde kilumbu ya Yehowa ya nene+ mpi ya ke pesa boma kukwisa.
32 Ebuna konso muntu yina ke binga zina ya Yehowa ta guluka;+
Sambu na Ngumba ya Sioni mpi na Yeruzalemi ta vanda ti bantu yina ta guluka,+ kaka mutindu Yehowa me tuba,
Bantu ya ta guluka yina Yehowa ke binga.”
3 “Sambu na bilumbu yina mpi na ntangu yina,
Ntangu mono ta vutula bantu ya Yuda mpi ya Yeruzalemi yina kwendaka na kimpika,+
2 Mono ta vukisa mpi makanda yonso
Mono ta sambisa bo kuna+
Sambu na bantu na mono mpi dikabu na mono Izraele,
Sambu bo panzaka bo na kati ya makanda,
Mpi bo kabulaka ntoto na mono na kati na bo.+
3 Bo vandaka kubula-bula zeke sambu na bantu na mono;+
Bo vandaka kuteka mwana ya bakala sambu na kufuta nkento ya ndumba
Mpi bo vandaka kuteka mwana ya nkento sambu na vinu ya kunwa.
4 Diaka, inki mambu beno kele na yo ti mono,
O Tire, Sidoni, mpi baprovense yonso ya Filistia?
Keti beno ke futa mono sambu na kima mosi?
Kana beno ke futa mono,
Mono ta nata lufutu na beno nswalu mpi ntinu na zulu ya ba-ntu na beno.+
5 Sambu beno me baka arza mpi wolo na mono,+
Mpi beno me nata bimvwama na mono ya kuluta kitoko na batempelo na beno;
6 Mpi beno me teka bantu ya Yuda mpi ya Yeruzalemi na Bagreki,+
Sambu na kunata bo ntama ti teritware na bo;
7 Mono ke tedimisa bo sambu bo katuka na kisika yina beno tekaka bo+ mpi bo kwisa
Mpi mono ta nata lufutu na beno na zulu ya ba-ntu na beno.
8 Mono ta teka bana na beno ya babakala mpi ya bankento na maboko ya bantu ya Yuda,+
Ebuna bo ta teka bo na bantu ya Sheba, na dikanda mosi yina kele ntama.
Sambu Yehowa yandi mosi muntu me tuba yo.
9 Beno zabisa diambu yai na kati ya makanda:+
‘Beno yilama sambu na* bitumba! Beno tedimisa bantu ya ngolo!
Basoda yonso kupusana pene-pene, bo kwenda na ntwala!+
10 Beno kumisa bima na beno ya kubundudila ntoto bambele ya bitumba mpi beno kumisa bakupu-kupu na beno makonga.
Bika muntu yina kele na ngolo ve kutuba nde: “Mono kele ngolo.”
11 Beno kwisa mpi beno sadisa, beno yonso makanda yina kele na nziunga, beno vukana!’”+
Na kisika yina, O Yehowa, kulumusa bantu na nge ya ngolo.*
12 “Bika makanda kutelama mpi kukwisa na Muwanda* ya Yehoshafati;
Sambu mono ta vanda kuna sambu na kusambisa makanda yonso yina kele na nziunga.+
13 Beno lutisa mbele, sambu bambuma me tela.
Beno kwisa kukulumuka mpi beno kamuna bambuma, sambu kikamuninu ya vinu me fuluka.+
Mabungu me fuluka mingi kibeni, sambu mambi na bo me kuma mingi.
14 Bimvuka ya bantu, bimvuka ya bantu kele na muwanda* ya kuzenga mambu,
Sambu kilumbu ya Yehowa me finama na muwanda* ya kuzenga mambu.+
15 Ntangu ti ngonda ta kuma mpimpa,
Mpi bambwetete ta vidisa nsemo na yo.
16 Yehowa ta ngana na Sioni,
Yandi ta tombula ndinga na yandi na Yeruzalemi.
Ebuna zulu mpi ntoto ta nikana;
Kansi Yehowa ta vanda kitininu sambu na bantu na yandi,+
Nzo ya ngolo sambu na bantu ya Izraele.
17 Ebuna beno ta zaba kibeni nde mono kele Yehowa Nzambi na beno, yina ke zingaka na Sioni, ngumba na mono ya santu.+
18 Na kilumbu yina bangumba ta nokisa vinu ya sukadi,+
Bangumba ya fioti ta fuluka ti miliki,*
Mpi bamasa yonso ya Yuda ta fuluka.
Nto ya masa ta basika na nzo ya Yehowa,+
Mpi yo ta podisa Muwanda ya Banti ya Akasia.
19 Kansi Ezipte ta bikala mpamba,+
Mpi Edomi ta vanda ntoto-makanga ya mpamba,+
Sambu na nku yina bo sadilaka bantu ya Yuda,+
Yina bo tiamunaka na insi na bo menga ya bantu yina me sala mbi ve.+
20 Kansi bantu ta zingaka ntangu yonso na Yuda,
Mpi na Yeruzalemi na bandonga yonso ya bantu yina ta kwisa.+
21 Menga* na bo yina mono tadilaka ve bonso menga ya bantu yina me sala mbi ve,+ mono ta tadila yo bonso menga ya bantu yina me sala mbi ve;
Mpi Yehowa ta zinga na Sioni.”+
Yo ke tendula “Yehowa Kele Nzambi.”
To “ya ntoto.”
To “leke ya nkento.”
To “Bakala na yandi ya.”
Na kisina, “beno lwata mikaba.”
To “beno kudibula na ntulu.”
Na kisina, “Beno santisa.”
To mbala ya nkaka, “Bafige ya kuyuma.”
To “ntoto.”
To “minduki.”
To “ke sadilaka bantu mambu na luzitu yonso.”
To “ta wa mawa sambu na.”
Na kisina, “ta tadila diaka.”
Na kisina, “Beno santisa.”
To “bankuluntu.”
Na kisina, “Luse na yandi.”
Disongidila, Nzadi-Mungwa ya Kufwa.
Disongidila, Nzadi-Mungwa ya Mediterane.
To “bidimbu.”
To “Ntoto ya Kukonda Ngumba.”
Yo ke tendula “Yehowa Kele Zuzi.”
Na kisina, “Beno santisa.”
To “basoda na nge.”
To “Ntoto ya Kukonda Ngumba.”
To “ntoto ya kukonda ngumba.”
To “ntoto ya kukonda ngumba.”
To “mabele.”
To “Mfuka ya menga.”