AMOSI
1 Bangogo ya Amosi,* yina vandaka na kati ya bantu yina ke sansaka mameme na Tekoa,+ bangogo yina bo zabisaka yandi na mbona-meso sambu na Izraele na bilumbu ya Uziya+ ntotila ya Yuda mpi na bilumbu ya Yeroboami+ mwana ya Yoashi,+ ntotila ya Izraele, bamvula zole na ntwala nde ntoto kunikana.+ 2 Yandi tubaka nde:
“Yehowa ta ngana na Sioni,
Mpi yandi ta tombula ndinga na yandi na Yeruzalemi.
Banseke ya bangungudi ta dila,
Mpi nsongi ya Karmele ta yuma.”+
3 “Yehowa ke tuba nde,
‘“Sambu na mambu tatu ya kukolama* ya Damasi, mpi sambu na mambu iya, mono ta soba yo ve,
Sambu bo tutaka Gileadi ti bima ya bibende ya bo ke tutaka bambuma sambu na kukatula yo bampusu.+
4 Yo yina mono ta tinda tiya na nzo ya Azaele,+
Mpi yo ta yoka banzo-zulu ya Bene-adadi+ yina kele ti bibaka ya ngolo.
5 Mono ta buka banti ya bakielo ya Damasi;+
Mono ta fwa bantu ya Bikati-aveni
Mpi muntu yina ke yala* na Bete-edeni;
Mpi bo ta nata bantu ya Siria na Kire,”+ Yehowa muntu me tuba.’
6 Yehowa ke tuba nde,
‘“Sambu na mambu tatu ya kukolama ya Gaza,+ mpi sambu na mambu iya, mono ta soba yo ve,
Sambu bo bakaka kimvuka ya mvimba ya bantu yina bo nataka na insi ya nkaka+ sambu na kupesa bo na Edomi.
7 Yo yina mono ta tinda tiya na kibaka ya Gaza,+
Mpi yo ta yoka banzo-zulu na yo ya kele ti bibaka ya ngolo.
8 Mono ta fwa bantu ya Ashdodi,+
Mpi muntu yina ke yala* na Ashkeloni;+
Mono ta baludila Ekroni+ diboko na mono,
Mpi bantu ya Filistia yina me bikala ta fwa,”+ Yehowa Mfumu ya Kuluta Nene muntu me tuba.’
9 Yehowa ke tuba nde,
‘Sambu na mambu tatu ya kukolama ya Tire,+ mpi sambu na mambu iya, mono ta soba yo ve,
Sambu bo pesaka Edomi kimvuka ya mvimba ya bantu yina bo nataka na insi ya nkaka,
Mpi sambu bo yibukaka ve kuwakana ya kimpangi.+
10 Yo yina mono ta tinda tiya na kibaka ya Tire,
Mpi yo ta yoka banzo-zulu na yo ya kele ti bibaka ya ngolo.’+
11 Yehowa ke tuba nde,
‘Sambu na mambu tatu ya kukolama ya Edomi,+ mpi sambu na mambu iya, mono ta soba yo ve,
Sambu yandi landaka mpangi na yandi mosi ti mbele ya bitumba,+
Mpi sambu yandi buyaka kuwila yandi mawa;
Na makasi na yandi, yandi landaka kupasula bo kukonda kulemba,
Mpi yandi me wilaka bo makasi kimakulu.+
12 Yo yina mono ta tinda tiya na Temani,+
Mpi yo ta yoka banzo-zulu ya Bosra+ ya kele ti bibaka ya ngolo.’
13 Yehowa ke tuba nde,
‘“Sambu na mambu tatu ya kukolama ya bantu ya Amoni,+ mpi sambu na mambu iya, mono ta soba yo ve,
Sambu bo pasulaka mavumu ya bankento ya Gileadi yina vandaka ti mavumu sambu na kukumisa teritware na bo nene.+
14 Yo yina mono ta tula tiya na kibaka ya Raba,+
Mpi yo ta yoka banzo-zulu na yo ya kele ti bibaka ya ngolo,
Ti mulolo ya bitumba na kilumbu ya mvita,
Ti mupepe na kilumbu ya mupepe ya ngolo.
15 Mpi bo ta nata bantotila na bo na insi ya nzenza ti bamfumu na yandi,”+ Yehowa muntu me tuba.’
2 “Yehowa ke tuba nde,
‘“Sambu na mambu tatu ya kukolama* ya Moabi,+ mpi sambu na mambu iya, mono ta soba yo ve,
Sambu yandi yokaka mikwa ya bantotila ya Edomi sambu na kusala mpemba.
2 Yo yina mono ta tinda tiya na Moabi, mpi yo ta yoka banzo-zulu ya Kerioti+ ya kele ti bibaka ya ngolo;
Moabi ta fwa na kati ya mavwanga,
Ti mulolo ya bitumba, ti makelele ya kibongo.+
3 Mono ta katula mfumu* na kati na yandi
Mpi mono ta fwa bamfumu na yandi yonso kumosi ti yandi,”+ Yehowa muntu me tuba.’
4 Yehowa ke tuba nde,
‘Sambu na mambu tatu ya kukolama ya Yuda,+ mpi sambu na mambu iya, mono ta soba yo ve,
Sambu bo buyaka nsiku* ya Yehowa,
Mpi sambu bo zitisaka ve bansiku na yandi;+
Kansi kima me vidisa bo nzila kele kaka mambu ya luvunu yina ba-nkaka na bo landaka.+
5 Yo yina mono ta tinda tiya na Yuda,
Mpi yo ta yoka banzo-zulu ya Yeruzalemi ya kele ti bibaka ya ngolo.’+
6 Yehowa ke tuba nde,
‘Sambu na mambu tatu ya kukolama ya Izraele,+ mpi sambu na mambu iya, mono ta soba yo ve,
Sambu bo ke teka muntu ya lunungu sambu na arza,
Mpi bo ke teka nsukami sambu na sandale.+
7 Bo ke niata ba-ntu ya bantu ya kukonda mfunu na mfututu ya ntoto,+
Mpi bo ke kanga nzila ya bantu ya kudikulumusa.+
Bakala mosi ti tata na yandi me vukisa nitu ti mwana-nkento mosi,
Na mutindu yina bo ke vweza zina na mono ya santu.
8 Bo ke kuditandula na lweka ya konso mesa-kimenga+ na bilele yina bo botulaka sambu na mfuka;*+
Mpi vinu yina bo ke nwa na nzo* ya banzambi na bo, bo bakaka yo na bantu yina bo futisaka kibawu.’
9 ‘Kansi mono muntu manisaka muntu ya Amore na ntwala na bo,+
Yina vandaka nda bonso banti ya sedre mpi ngolo bonso banti ya shene;
Mono fwaka bambuma na yandi na zulu mpi misisa na yandi na nsi.+
10 Mono basisaka beno na insi ya Ezipte,+
Mpi mono nataka beno na ntoto-makanga bamvula 40,+
Sambu na kubaka insi ya muntu ya Amore.
11 Mono kumisaka bana na beno ya nkaka bambikudi+
Mpi mono kumisaka baleke na beno ya nkaka ya babakala Banazire.+
Keti yo kele ve mutindu yina, O bantu ya Izraele?’ Yehowa muntu me tuba.
12 ‘Kansi beno landaka kupesa Banazire vinu sambu bo nwa,+
Mpi beno songaka bambikudi nde: “Beno fwete bikula ve.”+
13 Yo yina mono ta niata-niata beno na kisika na beno,
Mutindu pusu-pusu yina me fuluka ti bambuma ke niataka bima yina kele na nsi na yo.
14 Muntu ya ntinu ta vanda ve ti kisika ya kutina,+
Muntu ya ngolo ta bumba ve ngolo na yandi,
Mpi soda mosi ve ta gulusa luzingu* na yandi.
15 Muntu ya ke sadilaka munduki ya tolo-tolo ta bikala ve ya kutelama,
Muntu yina kele ntinu na makulu ta tina ve,
Mpi muntu yina ke tambusaka mpunda ta gulusa ve luzingu* na yandi.
16 Ata soda ya kuluta kikesa* na kati ya basoda
Ta tina kinkonga na kilumbu yina,’+ Yehowa muntu me tuba.”
3 “Beno bantu ya Izraele, beno wa mambu yai ya Yehowa me tuba sambu na beno, sambu na dibuta ya mvimba yina mono basisaka na insi ya Ezipte:
2 ‘Na mabuta yonso ya ntoto,+ mono me zaba kaka beno.
Yo yina mono ta sambisa beno sambu na bifu na beno yonso.+
3 Keti bantu zole ta tambula nzila mosi kana bo wakanaka ve na kukutana?
4 Keti ntambu ta ngana na mfinda kana yo kele ve ti mbisi ya kudia?
Keti mwana-ntambu* ta ngana na kisika na yo ya kulala kana yo me kanga kima ve?
5 Keti ndeke ta bwa na mutambu na ntoto kana bo me tudila yo ve mutambu?*
Keti mutambu ke swangukaka na ntoto kana yo me kanga kima ve?
6 Kana bo me bula kibongo na mbanza, keti bantu ke tekitaka ve?
Kana mpasi me bwa na mbanza, keti Yehowa ve muntu me sala diambu?
7 Sambu Yehowa Mfumu ya Kuluta Nene ta sala kima ve
Kana yandi me monisa ntete ve diambu na yandi ya kinsweki* na bansadi na yandi bambikudi.+
8 Ntambu me ngana!+ Nani ta wa boma ve?
Yehowa Mfumu ya Kuluta Nene me tuba! Nani ta bikula ve?’+
9 ‘Beno zabisa yo na banzo-zulu ya Ashdodi yina kele ti bibaka ya ngolo
Mpi na banzo-zulu ya kele ti bibaka ya ngolo na insi ya Ezipte.
Beno tuba nde: “Beno vukana sambu na kunwanisa bangumba ya Samaria;+
Beno tala mavwanga yina kele na kati na yandi
Mpi mambu ya luvunu yina kele na kati na yandi.+
10 Sambu bo me zaba ve mutindu ya kusala mambu ya mbote,” Yehowa muntu me tuba,
“Bantu yina ke fulusa mubulu mpi lufwa na banzo-zulu na bo ya kele ti bibaka ya ngolo.”’
11 Yo yina, Yehowa Mfumu ya Kuluta Nene ke tuba nde,
‘Mbeni mosi ta ziunga insi yai,+
Yandi ta katula nge ngolo na nge,
Mpi bo ta yiba na banzo-zulu na nge ya kele ti bibaka ya ngolo.’+
12 Yehowa ke tuba nde,
‘Mutindu ngungudi ke botulaka makulu zole to kitini ya dikutu na munoko ya ntambu,
Mutindu yo yina bo ta katula bantu ya Izraele,
Bayina me vanda ntangu yai na Samaria na bambeto ya kitoko mpi na bisika ya mbote ya kulala.’*+
13 ‘Beno wa mpi beno kebisa* nzo ya Yakobi,’ Yehowa Mfumu ya Kuluta Nene, Nzambi ya makesa, muntu me tuba.
14 ‘Sambu na kilumbu yina mono ta sambisa Izraele sambu na mambu na yandi yonso ya kukolama,*+
Mono ta sambisa mpi bamesa-kimenga ya Betele;+
Bo ta zenga bibongo ya mesa-kimenga mpi yo ta bwa na ntoto.+
15 Mono ta bwisa nzo ya nsungi ya madidi mpi nzo ya nsungi ya mvula.’
4 “Beno wa mambu yai, beno bangombe ya bankento ya Bashani,
Yina kele na ngumba ya Samaria,+
Beno bankento yina ke kusaka bantu ya kukonda mfunu+ mpi ke niataka bansukami,
Yina ke tubila babakala* na bo nde, ‘Kwisa kunatila beto kima ya kunwa!’
2 Yehowa Mfumu ya Kuluta Nene me dia ndefi na busantu na yandi nde,
‘“Tala! Bilumbu ke kwisila beno ntangu yandi ta nangula beno ti bandobo ya nene
Mpi bantu yina ta bikala, yandi ta nangula bo ti bandobo ya fioti.
3 Beno ta basika na matobo yina kele na kibaka, konso muntu ta kwenda kaka na ntwala;
Mpi bo ta losa beno na Harmoni,” Yehowa muntu me tuba.’
4 ‘Beno kwisa na Betele mpi beno sala mambu ya mbi,*+
Beno kwisa na Gilgale mpi beno sala mambu mingi ya mbi kuluta!+
5 Beno yoka kimenga ya kupesa matondo ya mampa ya kukonda levire;+
Beno zabisa na ndinga ya ngolo makabu na beno ya luzolo ya mbote!
Sambu yina mambu ya beno ke zolaka kusala, O bantu ya Izraele,’ Yehowa Mfumu ya Kuluta Nene muntu me tuba.
6 ‘Kansi mono, mono pesaka beno ve madia ya kudia* na bambanza na beno yonso
Mpi mono salaka nde mampa kukonda na banzo na beno yonso;+
Kansi beno vutukilaka mono ve,’+ Yehowa muntu me tuba.
7 ‘Mono yiminaka beno mpi mvula bangonda tatu na ntwala ya nsungi ya kukatula bima na bilanga;+
Mono salaka nde mvula kunoka na mbanza mosi kansi na mbanza ya nkaka ve.
Mvula vandaka kunoka na kitini mosi ya ntoto,
Kansi kitini ya nkaka ya ntoto yina mvula vandaka kunoka ve vandaka kuyuma.
8 Bantu ya bambanza zole to tatu vandaka kukwenda na lunziungu na mbanza mosi sambu na kunwa masa,+
Kansi bo vandaka kufuluka ve;
Ata mpidina, beno vutukilaka mono ve,’+ Yehowa muntu me tuba.
9 ‘Mono tindilaka beno mwini ya ngolo mpi maladi ya banti.+
Beno kumisaka mingi masamba na beno mpi bilanga na beno ya vinu,
Kansi bampasu vandaka kudia banti na beno ya bafige mpi ya baolive;+
Ata mpidina, beno vutukilaka mono kaka ve,’+ Yehowa muntu me tuba.
10 ‘Mono tindilaka beno kipupa bonso yina mono tindaka na Ezipte.+
Mono fwaka baleke na beno ya babakala+ na mbele ya bitumba mpi mono botulaka bampunda na beno.+
Mono salaka nde nsudi ya mbi ya bacamp na beno kutombuka tii na bambombo na beno;+
Kansi beno vutukilaka mono ve,’ Yehowa muntu me tuba.
11 ‘Mono fwaka beno
Mutindu Nzambi fwaka Sodome ti Gomore.+
Mpi beno vandaka bonso bankuni yina bo me basisa na tiya;
Kansi beno vutukilaka mono ve,’+ Yehowa muntu me tuba.
12 Yo yina, yai mambu yina mono ta sala nge, O Izraele.
Sambu yai mambu yina mono ta sala nge,
Yilama sambu na kukutana ti Nzambi na nge, O Izraele.
13 Sambu yandi Muntu salaka bangumba+ mpi gangaka mupepe;+
Yandi ke songaka muntu bangindu na yandi,
Yandi ke kumisaka suka mpimpa,+
Mpi yandi ke tambulaka na bisika ya kunanguka ya ntoto;+
Zina na yandi Yehowa Nzambi ya makesa.”
5 “Beno wa mambu yai ya mono ke tubila beno bonso nkunga ya mawa,* O nzo ya Izraele:
2 ‘Mwense, Izraele, me bwa;
Yandi lenda telama diaka ve.
Bo me yambula yandi na ntoto na yandi mosi;
Muntu ya kutedimisa yandi kele ve.’
3 “Sambu Yehowa Mfumu ya Kuluta Nene ke tuba nde:
‘Mbanza yina ke basika ti bantu difunda mosi ta bikala ti bantu nkama mosi;
Mpi yina ke basika ti bantu nkama mosi ta bikala ti bantu kumi, sambu na nzo ya Izraele.’+
4 “Sambu Yehowa ke tubila nzo ya Izraele nde:
‘Beno sosa mono mpi beno bikala na luzingu.+
Beno kwenda ve na Gilgale+ mpi beno sabuka ve na Bere-sheba,+
Sambu bo ta nata kibeni Gilgale na insi ya nzenza,+
Mpi Betele ta kuma kima ya mpamba.*
6 Beno sosa Yehowa, mpi beno bikala na luzingu,+
Sambu yandi pela ve bonso tiya na nzo ya Yozefi,
Ebuna yo yoka Betele, mpi muntu ya kufwa tiya yina kuvanda ve.
8 Muntu yina salaka kimvuka ya bambwetete ya Kima* mpi kimvuka ya bambwetete ya Kesile,*+
Muntu yina ke kumisaka mpimpa ya ngolo suka,
Muntu yina ke kumisaka kilumbu ndombe bonso mpimpa,+
Muntu yina ke bingaka bamasa ya nzadi-mungwa
Sambu na kutiamuna yo na zulu ya ntoto+
—Zina na yandi Yehowa.
9 Yandi ta natila muntu ya ngolo lufwa,
Yandi ta fwa bisika ya ngolo.
10 Bo ke mengaka bantu yina ke nganinaka bantu na kielo ya mbanza,
Mpi bo ke zolaka ve bantu yina ke tubaka kieleka.+
11 Sambu beno ke lomba nsukami mbongo ya kufutila kilanga*
Mpi beno ke baka mbuma na yandi bonso kitadi,+
Beno ta landa ve kuzinga na banzo ya beno me tungaka ti matadi ya bo me zengaka+
Mpi beno ta landa ve kunwa vinu ya me katuka na bilanga ya kitoko ya vinu yina beno me kunaka.+
12 Sambu mono me zaba nde mambu na beno ya kukolama* kele mingi
Mpi masumu na beno kele nene
—Beno ke yangisa muntu ya lunungu,
Beno ke baka avoka,*
Mpi beno ke buya kupesa bansukami banswa na bo na kielo ya mbanza.+
13 Yo yina, bantu yina kele ti mayele ya kubakisa mambu mbote-mbote ta vanda pima na ntangu yina,
Sambu yo ta vanda ntangu mosi ya mpasi.+
Ebuna Yehowa Nzambi ya makesa lenda vanda ti beno,
Kaka mutindu beno ke tuba nde yandi kele ti beno.+
15 Beno menga mambu ya mbi, mpi beno zola mambu ya mbote,+
Bika nde lunungu kuvanda na kielo ya mbanza.+
Mbala ya nkaka Yehowa Nzambi ya makesa
Ta monisila bantu ya Yozefi yina me bikala ntima ya mbote.’+
16 “Yo yina, Yehowa Nzambi ya makesa, Yehowa, ke tuba nde:
‘Bidilu ta vanda na babala-bala yonso ya nene,
Mpi bo ta tuba na babala-bala yonso nde, “Mawa na beto, mawa na beto!”
Bo ta binga bantu ya ke salaka bilanga bo dila
Mpi bantu ya bo ke futaka sambu na kudila, sambu bo dila.’
17 ‘Bidilu ta vanda na konso kilanga ya vinu;+
Sambu mono ta luta na kati-kati na nge,’ Yehowa muntu me tuba.
18 ‘Mawa na bantu yina kele na nzala ya kilumbu ya Yehowa!+
Ebuna kilumbu ya Yehowa ta tendula nki sambu na beno?+
Yo ta vanda mudidi, kansi nsemo ve.+
19 Yo ta vanda bonso muntu yina ke tina ntambu mpi yandi me kutana ti urse,
Ntangu yandi me kota na nzo na yandi mpi me yekimisa diboko na kibaka, nioka me tatika yandi.
20 Keti kilumbu ya Yehowa ta vanda ve mpimpa na mpimpa?
Keti yo ta vanda ve mudidi kukonda nsemo?
21 Mono ke menga, mono ke vweza bankinsi na beno,+
Mpi mono ke wa ve kiese na nsudi ya balukutakanu na beno ya santu.
22 Ata kana beno pesa mono makabu ya mvimba ya kuyoka mpi makabu ya nkaka,
Yo ta pesa mono ve kiese;+
Mono ta tala ve mpi ta ndima ve bimenga na beno ya kinduku ya bambisi ya mafuta.+
23 Katula makelele ya bankunga na nge na ntwala na mono;
Mpi bika mono wa ve bankunga ya bima na beno ya kubudila miziki ya kele ti bansinga.+
24 Bika lunungu kukulumuka bonso bamasa,+
Mpi yo kulumuka bonso mwa masa yina ke kulumuka konso ntangu.
25 Keti beno natilaka mono bimenga mpi makabu
Na nsungi ya bamvula 40 na ntoto-makanga, O nzo ya Izraele?+
26 Ntangu yai, yo ta lomba nde beno nata Sakuti ntotila na beno mpi Kaiwani,*
Biteki na beno, mbwetete ya nzambi na beno, yina beno kudisadilaka,
27 Mpi mono ta tinda beno na insi ya nkaka ntama kuluta Damasi,’+ muntu yina zina na yandi Yehowa Nzambi ya makesa muntu me tuba.”+
6 “Mawa na bantu ya Sioni yina ke kuditudilaka ntima.*
Mawa na bantu yina ke kudiwa na lutaninu na ngumba ya Samaria,+
Bantu ya lukumu ya dikanda yina me luta makanda yonso,
Bantu yina nzo ya Izraele me kwisa na bo!
2 Beno sabuka na Kalne mpi beno tala.
Beno katuka kuna mpi beno kwenda na Amati ya Nene,+
Na nima beno kulumuka na Gati ya bantu ya Filistia.
Keti yo me luta bimfumu yai,*
To keti teritware na yo kele nene kuluta teritware na beno?
4 Bo ke lala na bambeto ya bo me sala na meno ya nzioko+ mpi bo ke lala makadi-kadi na bisika ya kulala,+
Bo ke dia mameme ya babakala ya kimvuka ya mameme mpi bana-bangombe ya mafuta;+
5 Bo ke basisa bankunga na kintulumukina na kulanda makelele ya kidare,*+
Mpi bo ke sala bima ya kubudila miziki bonso Davidi;+
6 Bo ke nwa vinu na babolo ya kufuluka+
Mpi bo ke kudipakula mafuta ya kuluta kitoko.
Kansi bo ke tula ve dikebi* na mpasi ya Yozefi.+
7 Yo yina bo ta vanda bantu ya ntete na kati ya bantu yina bo ta nata na insi ya nzenza,+
Mpi nkinsi ya lukasi ya bantu yina me lala makadi-kadi ta suka.
8 ‘Yehowa Mfumu ya Kuluta Nene me dia ndefi na zina na yandi mosi,’*+ Yehowa Nzambi ya makesa muntu me tuba,
‘“Mono ke menga lulendo ya Yakobi,+
Mono ke menga banzo-zulu na yandi ya kele ti bibaka ya ngolo,+
Mpi mono ta pesa mbanza ti bima yina kele na kati na yo na bambeni.+
9 “‘“Kana bantu kumi me bikala na nzo mosi, bo ta fwa mpi. 10 Mpangi mosi ya dibuta* ta kwisa sambu na kubasisa bo mpi kuyoka bo mosi-mosi na tiya. Yandi ta basisa mikwa na bo na nzo; na nima yandi ta tubila konso muntu yina kele na basuku ya kati ya nzo nde, ‘Keti muntu ya nkaka kele kuna ti nge?’ Yandi ta tuba nde, ‘Muntu kele ve!’ Ebuna yandi ta tuba nde, ‘Vanda pima! Sambu yo kele ve ntangu ya kutanga zina ya Yehowa.’”
11 Sambu Yehowa muntu ke pesa nsiku,+
Yandi ta bwisa nzo ya nene mpi ta kumisa yo kita ya mvindu,
Yandi ta bwisa nzo ya fioti mpi ta kumisa yo bitini-bitini.+
12 Keti bampunda ke bakaka ntinu na zulu ya ditadi,
To keti muntu lenda bundula kuna ti ngombe?
13 Beno ke wa kiese na mambu ya kukonda mfunu,
Mpi beno ke tuba nde, “Keti beto me kuma ve ngolo* na kikesa na beto mosi?”+
14 Yo yina, O nzo ya Izraele, mono ta nata dikanda mosi sambu na kunwanisa beno,’+ Yehowa Nzambi ya makesa muntu me tuba,
‘Mpi bo ta niokula beno yantika na Lebo-amati*+ tii na Muwanda* ya Araba.’”
7 Yehowa Mfumu ya Kuluta Nene songaka mono mambu yai na mbona-meso: Yandi salaka kimvuka ya bampasu ntangu bambuma ya nsuka* yantikaka kubasika. Yo vandaka bambuma ya nsuka yina basikaka na nima ya ntangu yina bo zengaka matiti ya ntotila. 2 Ntangu kimvuka ya bampasu manisaka kudia matiti ya insi, mono tubaka nde: “O Yehowa Mfumu ya Kuluta Nene, lolula pardo!+ Inki mutindu Yakobi lenda guluka?* Sambu yandi kele ngolo ve!”+
3 Yo yina Yehowa tadilaka diaka* diambu yina.+ Yehowa tubaka nde, “Yo ta salama ve.”
4 Yehowa Mfumu ya Kuluta Nene songaka mono mambu yai na mbona-meso: Yehowa Mfumu ya Kuluta Nene tubaka nde bo pesa ndola na nzila ya tiya. Yo yokaka bamasa ya nene ya mudindu, mpi yo yokaka ndambu ya insi. 5 Ebuna mono tubaka nde: “O Yehowa Mfumu ya Kuluta Nene, bikisa pardo.+ Inki mutindu Yakobi lenda guluka?* Sambu yandi kele ngolo ve!”+
6 Yo yina Yehowa tadilaka diaka* diambu yina.+ Yehowa Mfumu ya Kuluta Nene tubaka nde, “Diambu yai mpi ta salama ve.”
7 Yai mambu yina yandi songaka mono: Tala! Yehowa vandaka ya kutelama na kibaka ya bo tungaka na nsadisa ya nsinga ya bamaso, mpi nsinga ya bamaso vandaka na diboko na yandi. 8 Ebuna Yehowa tubilaka mono nde: “Amosi, nge ke mona inki?” Mono tubaka nde: “Nsinga ya bamaso.” Na nima Yehowa tubaka nde: “Mono ke tula nsinga ya bamaso na kati ya bantu na mono Izraele. Mono ta lolula bo diaka ve.+ 9 Bisika ya kunanguka ya Izaki+ ta bikala mpamba, mpi bo ta bebisa bisika ya santu ya Izraele;+ mpi mono ta kwisa kunwanisa nzo ya Yeroboami ti mbele ya bitumba.”+
10 Amasia, nganga-nzambi ya Betele,+ tindilaka Yeroboami+ ntotila ya Izraele nsangu yai: “Amosi ke sadila nge komplo na kati ya nzo ya Izraele.+ Bantu ya insi yai lenda ndima diaka ve mambu yonso ya yandi ke tuba.+ 11 Sambu Amosi ke tuba nde, ‘Yeroboami ta fwa na mbele ya bitumba, mpi bo ta katula Izraele na insi na yandi mpi ta nata yandi kibeni na insi ya nzenza.’”+
12 Ebuna Amasia tubilaka Amosi nde: “O muntu ya ke monaka bambona-meso, kwenda, tina na ntoto ya Yuda, baka dimpa na nge* kuna, mpi kuna nge lenda bikula.+ 13 Kansi nge fwete bikula diaka ve na Betele,+ sambu yo kele kisika ya santu ya ntotila+ mpi nzo ya kimfumu.”
14 Ebuna Amosi vutudilaka Amasia nde: “Mono vandaka ve mbikudi to mwana ya mbikudi; kansi mono vandaka nkengidi ya bitwisi,+ mpi mono vandaka kukeba banti ya bafige ya sikomore.* 15 Kansi Yehowa katulaka mono na kisalu ya kukeba bitwisi, mpi Yehowa tubilaka mono nde, ‘Kwenda, bikudila bantu na mono Izraele.’+ 16 Yo yina ntangu yai, wa mambu yina Yehowa ke tuba: ‘Nge ke tuba nde, “Kubikula ve sambu na Izraele,+ mpi kusamuna ve+ sambu na nzo ya Izaki.” 17 Yo yina, Yehowa ke tuba nde: “Nkento na nge ta kuma ndumba na mbanza yai, mpi bana na nge ya babakala mpi ya bankento ta fwa na mbele ya bitumba. Bo ta kabula insi na nge na nsinga ya kutesila, mpi nge mosi ta fwa na insi mosi ya mvindu; bo ta katula Izraele na insi na yandi mpi ta nata yandi kibeni na insi ya nzenza.”’”+
8 Yehowa Mfumu ya Kuluta Nene songaka mono mambu yai na mbona-meso: Mono monaka kitunga mosi ya bambuma ya nsungi ya mvula. 2 Na nima yandi tubaka nde, “Amosi, nge ke mona inki?” Mono vutulaka nde, “Kitunga mosi ya bambuma ya nsungi ya mvula.” Ebuna Yehowa tubilaka mono nde: “Nsuka me kwisa sambu na bantu na mono Izraele. Mono ta lolula bo diaka ve.+ 3 ‘Na kilumbu yina, bankunga ya tempelo ta kuma bidilu,’+ Yehowa Mfumu ya Kuluta Nene muntu me tuba. ‘Yo ta vanda ti bamvumbi mingi ya bo me losa bisika yonso+—bisika yonso ta vanda pima!’
4 Beno wa diambu yai, beno bantu yina ke niata nsukami
Mpi yina ke fwa bantu ya kudikulumusa ya insi yai,+
5 Yina ke tuba nde, ‘Inki ntangu nkinsi ya ngonda ya mpa ta mana,+ sambu beto teka bambuma na beto,
Mpi nki ntangu Kisabatu+ ta mana, sambu beto teka bambuma na beto?
Sambu beto fiotuna efa*
Mpi beto kumisa shekele* nene
Sambu na kusoba bakilo na beto ya luvunu;+
6 Sambu beto sumba bantu ya mpasi na ntalu ya arza
Mpi beto sumba nsukami na ntalu ya sandale,+
Mpi beto teka bambuma ya kukonda mfunu.’
Keti yo ta tombuka ve ya mvimba bonso Nile?
Keti yo ta dasuka ve mpi ta kulumuka ve na nsi bonso Nile ya Ezipte?’+
9 ‘Na kilumbu yina,’ Yehowa Mfumu ya Kuluta Nene muntu me tuba,
‘Mono ta sala nde ntangu kudinda na kati-kati ya midi,
Mpi mono ta kumisa insi yai mpimpa na kilumbu ya nsemo.+
10 Mono ta kumisa bankinsi na beno mafwa+
Mpi mono ta kumisa bankunga na beno yonso bankunga ya mawa.*
Mono ta tula basaki na baluketu yonso mpi mono ta basisa mabandi na ba-ntu yonso;
Mono ta kumisa yo bonso kudila ya bo ke dilaka mwana yina butukaka yandi mosi,
Mpi mono ta kumisa nsuka na yo bonso kilumbu ya bululu.’
11 ‘Tala! Bilumbu ke kwisa,’ Yehowa Mfumu ya Kuluta Nene muntu me tuba,
‘Ntangu mono ta tinda nzala na insi,
Nzala ya mampa ve mpi nzala ya masa ve,
Kansi nzala ya kuwa ndinga ya Yehowa.+
12 Bo ta tambula na lunziungu katuka nzadi-mungwa tii na nzadi-mungwa
Mpi katuka na nordi tii na esti.*
Bo ta tambula-tambula sambu na kusosa ndinga ya Yehowa, kansi bo ta mona yo ve.
13 Na kilumbu yina bamwense ya kitoko ta lemba,
Baleke ya babakala mpi ta lemba, sambu na nzala ya masa;
14 Bantu yina ke zenga kieleka na mbi ya Samaria+ mpi yina ke tuba nde,
“Ya kieleka, mutindu nzambi na nge kele na luzingu, O Dani!”+
Mpi “Ya kieleka, mutindu nzila ya Bere-sheba+ kele na luzingu!”
Bo ta bwa, mpi bo ta telama diaka ve.’”+
9 Mono monaka Yehowa+ me telama na zulu ya mesa-kimenga, mpi yandi tubaka nde: “Bula nsongi ya dikunzi, ebuna munoko ya nzo ta nikana. Zenga yo na ntu, mpi mono ta fwa muntu ya nsuka na kati na bo ti mbele ya bitumba. Muntu mosi ve yina ke tina ta basika, mpi muntu mosi ve yina ke meka kutina ta nunga.+
2 Kana bo timuna ntoto sambu na kubumbana na Maziamu,*
Diboko na mono ta baka bo kuna;
Mpi kana bo tombuka na zulu,
Mono ta kwisa kukulumusa bo kuna.
3 Mpi kana bo bumbana na nsongi ya Karmele,
Mono ta sosa bo mbote-mbote kuna mpi mono ta baka bo.+
Kana bo bumbana na meso na mono na nsi ya nzadi-mungwa,
Mono ta tinda nioka sambu yo tatika bo kuna.
4 Kana bo kwenda na kimpika na ntwala ya bambeni na bo,
Mono ta pesa mbele ya bitumba nsiku kuna, ebuna yo ta fwa bo;+
Mono ta tudila bo dikebi sambu na kunatila bo mambu ya mbi, kansi mambu ya mbote ve.+
5 Sambu Mfumu ya Kuluta Nene, Yehowa ya makesa, yandi Muntu ke simba insi,*
Ebuna yo ke kuma masa-masa,+ mpi bantu na yo yonso ta dila;+
Mpi ntoto yonso ta tombuka bonso Nile,
Mpi ta kulumuka bonso Nile ya Ezipte.+
6 ‘Muntu yina ke tunga bimatilu na yandi na zulu
Mpi yina ke tula nzo na yandi* na zulu ya ntoto;
Muntu yina ke bingaka bamasa ya nzadi-mungwa,
Sambu na kutiamuna yo na zulu ya ntoto+
—Zina na yandi Yehowa.’+
7 ‘Keti beno kele ve bonso bana ya Kushi na ntwala na mono, O bantu ya Izraele?’ Yehowa muntu me tuba.
‘Keti mono basisaka ve Izraele na insi ya Ezipte,+
Keti mono basisaka ve bantu ya Filistia na Kreta,+ mpi bantu ya Siria na Kire?’+
8 ‘Meso ya Yehowa Mfumu ya Kuluta Nene ke tala kimfumu ya masumu,
Mpi yandi ta manisa yo na zulu ya ntoto.+
Kansi mono ta manisa ve kimakulu nzo ya Yakobi,’+ Yehowa muntu me tuba.
9 ‘Sambu mono ke pesa nsiku,
Mpi mono ta nikisa nzo ya Izraele na kati ya makanda yonso,+
Mutindu muntu ke nikisaka muyungulu,
Mpi ditadi mosi ve ke bwaka na ntoto.
10 Bo ta fwa na mbele ya bitumba, bansumuki yonso ya bantu na mono,
Bantu yina ke tuba nde, “Mpasi ta kuma ve pene-pene na beto mpi yo ta simba beto ve.”’
11 ‘Na kilumbu yina mono ta tedimisa kisasa* ya Davidi+ yina me bwaka,
Mono ta yidika mabulu ya bibaka,*
Mpi mono ta yidika bisika na yo yina me bebaka;
Mono ta tunga yo diaka bonso na bilumbu ya ntama.+
12 Sambu bo baka kima ya Edomi yina me bikala,+
Mpi makanda yonso yina bo bingaka bo na zina na mono,’ Yehowa muntu me tuba, yandi muntu yina ke sala yo.
13 ‘Tala! Bilumbu ke kwisa,’ Yehowa muntu me tuba,
‘Ntangu muntu ya ke bundulaka ntoto ta kuta muntu ya ke katulaka bima na bilanga,
Mpi muntu ya ke kamunaka bisuka ya vinu ta kuta muntu ya ke nata bankeni;+
Mpi bangumba ya nene ta nokisa vinu ya sukadi,+
14 Mono ta vutula bantu na mono Izraele+ yina kwendaka na kimpika,
Mpi bo ta tunga diaka bambanza yina bikalaka mpamba mpi bo ta zinga kuna;+
Bo ta kuna bilanga ya vinu mpi bo ta nwa vinu na yo,+
Bo ta sala bilanga mpi bo ta dia bambuma na yo.’+
15 ‘Mono ta kuna bo na insi na bo,
Mpi bo ta tumuna bo diaka ve
Na ntoto na bo yina mono me pesaka bo,’+ Yehowa Nzambi na beno muntu me tuba.”
Yo ke tendula “Kuvanda Kizitu” to “Kunata Kizitu.”
To “ya mubulu.”
Na kisina, “muntu yina me simba muhangu.”
Na kisina, “muntu yina me simba muhangu.”
To “ya mubulu.”
Na kisina, “zuzi.”
To “malongi.”
To “kipiku.”
To “tempelo.”
To “moyo.”
To “moyo.”
To “Ata bantu yina kele ngolo na ntima.”
To “mwana-ntambu yina kele ti mika mingi na nkingu.”
To mbala ya nkaka, “kana kima ya kubenda yo kele ve?”
To “kinsweki na yandi.”
To “bisika ya kulala ya Damasi.”
To “beno ta kimbangi sambu na.”
To “ya mubulu.”
To mbala ya nkaka, “Mpi banzo mingi.”
To “bamfumu.”
To “beno kolama.”
Na kisina, “makumi na beno.”
Na kisina, “mono kumisaka meno na beno bunkete sambu na kukonda madia.”
To “nkunga ya mafwa.”
To mbala ya nkaka, “ta kuma kisika ya bampeve ya mbi.”
To “ya ndudi.”
Ziku bambwetete ya Pleyade yina kele na kimvuka ya bambwetete ya Torusi.
Ziku kimvuka ya bambwetete ya Orioni.
To “mpaku ya ntoto.”
To “ya mubulu.”
To “ke baka mbongo sambu na kukanga muntu munoko.”
Banzambi yai ya bankento lenda monisa planete Saturne, yina bo vandaka kusambila bonso nzambi.
To “yina ke yindulaka nde bo me lungaka.”
Yo ke monana bonso nde yo ke tubila kimfumu ya Yuda mpi ya Izraele.
Na kisina, “kiti.”
To “kima ya kubudila miziki ya kele ti bansinga.”
Na kisina, “bo belaka ve sambu.”
To “na moyo na yandi.”
Na kisina, “Mpangi ya tata na yandi.”
To “ndudi.”
Na kisina, “me baka ve bibongo sambu na beto mosi.”
To “kisika ya kukotila na Amati.”
Tala Bantendula ya Bangogo.
Disongidila, na Yanuari mpi na Februari.
Na kisina, “telama.”
To “waka mawa sambu na.”
Na kisina, “telama.”
To “waka mawa sambu na.”
Na kisina, “dia dimpa.”
To “mono vandaka muntu ya ke tobulaka bafige ya sikomore.”
Tala Bangindu ya Ngika B14.
Tala Bangindu ya Ngika B14.
To “ntoto.”
To “bankunga ya mafwa.”
To “na ndambu yina ntangu ke basikaka.”
To “Sheole,” disongidila, maziamu ya bantu yonso. Tala Bantendula ya Bangogo.
To “ntoto.”
To “ludi na yandi ya kufumbama; suku na yandi.”
To “tenta; sombolo.”
To “ya bibaka na yo.”
Na kisina, “ta kuma masa-masa.”