Banani sonikaka Biblia?

“Moize sonikaka mambu yonso yina Yehowa tubaka.”

Kubasika 24:4

“Daniele lalaka ndosi mpi yandi monaka bambona-meso ya ntu na yandi ntangu yandi vandaka kulala na mbeto na yandi. Na nima yandi sonikaka ndosi yina; yandi sonikaka disolo ya mvimba ya mambu yina.”

Daniele 7:1

“Ntangu beno ndimaka ndinga ya Nzambi, yina beno waka na beto, beno ndimaka yo ve bonso ndinga ya bantu, kansi mutindu yo kele kibeni, bonso ndinga ya Nzambi.”

1 Batesalonika 2:13

“Masonuku yonso kele ya kupemama na Nzambi mpi yo kele mfunu sambu na kulonga.”

2 Timoteo 3:16

“Mbikudulu me kwisaka ve ata mbala mosi na luzolo ya muntu, kansi bantu tubaka mambu yina me katuka na Nzambi mutindu mpeve santu vandaka kutwadisa bo.”

2 Piere 1:21