Bangogo ya Luyantiku

YAYI kele mukanda ya bankenda ya kyeleka, yina mekatuka na Biblia, mukanda ya kuluta mikanda yonso. Bankenda yai ketela beno disolo ya inza banda ntangu Nzambi yantikaka na kuganga bima tii na bilumbu na beto. Yo ketubila mpi mambu yina Nzambi mesila na kusala na bilumbu kekwisa na ntwala.

Mukanda yai kepesa beno ngindu ya mambu yina kele na kati ya Biblia. Yo ketela beto masolo ya bantu ya Biblia mpi mambu ya bo salaka. Yo kemonisa mpi kivuvu ya kitoko ya kuzinga mvula na mvula na paladisu ya ntoto yina Nzambi mepesaka bantu.

Bankenda 116 kele na kati ya mukanda yai. Beto mekabisa yo na bandambu nana mpi lutiti ya luyantiku ya konso ndambu ketubila mambu na yo na bunkufi. Beto metula bankenda na ndonga ya mambu kusalamaka. Yo tasadisa nge na kubakisa ntangu mambu kusalamaka na ntangu ya ntama na kutadila mambu yankaka.

Beto mesonika bankenda na ndinga ya pete-pete. Baleke mingi na kati na beno takuka na kutanga yo bo mosi. Beno bibuti, beno tamona nde bana na beno ya ndwelo tavanda na kyese mingi na kuwaka bantu yankaka ketangila bo yo mbala na mbala. Mpi beno tamona nde mambu mingi tayangidika batoko mpi bambuta.

Na nsuka ya konso nkenda, beto metula mikapu ya Biblia sambu na kuzabisa kisika nkenda mekatuka. Beto kesyamisa beno na kutanga bitini yina ya Biblia, kisika ya beto mebaka bankenda yango.