Watchtower MIKANDA YA KE NA INTERNET
Watchtower
MIKANDA YA KE NA INTERNET
Kikongo (Rép. dém. du congo)
  • BIBLIA
  • MIKANDA
  • BALUKUTAKANU
  • my nkenda ya 28
  • Moïse Me Guluka na Masa

Kele ve ti video sambu na mambu ya nge ke sosa.

Kifu me salama na ntangu ya kubaka video.

  • Moïse Me Guluka na Masa
  • Mukanda ya Bankenda ya Bible
  • Mambu ya Mutindu Mosi
  • Moize Ponaka na Kusambila Yehowa
    Malongi Yina Nge Lenda Baka na Biblia
  • Bau Salaka Luzolo ya Yehowa
    Nzozulu ya Nkengi Kesamunaka Kimfumu ya Yehowa—1997
  • Moize Vandaka Nani?
    Nzozulu ya Nkengi Kesamunaka Kimfumu ya Yehowa—2013
  • Moize Me Tina
    Mukanda ya Bankenda ya Bible
Tala Mambu Mingi
Mukanda ya Bankenda ya Bible
my nkenda ya 28

NKENDA YA 28

Moïse Me Guluka na Masa

BEBE ya fyoti yai ya beto kemona na mansanga na meso mpi kesimba musapi ya mwana ya nkento kele Moïse. Mwana ya nkento kele mwana ya Faraon, mfumu ya Egypte.

Mama ya Moïse kubumbaka mwana na yandi bangonda tatu sambu yandi sosaka kugulusa yandi. Kansi yandi zabaka nde yandi fwanaka ve na kubumba Moïse bilumbu mingi. Inki yandi salaka?

Yandi bakaka kitunga mosi, yandi pakulaka yau mukubu ya ndombe. Yandi tulaka mwana na kati mpi yandi tululaka yau na zulu ya Masa Nil, na kati ya matiti ya masa. Na yau, yandi tubilaka mpangi ya nkento ya Moïse, Miriam, na kulangidila kitunga yina. Inki mambu tabwa na mwana?

Mwana ya Faraon ya nkento kukulumukaka na Masa ya Nil sambu na kuyobila. Na mbala mosi, yandi monaka kitunga na kati ya matiti ya masa. Yandi tindaka nsadi na yandi mosi ya nkento na kubaka yau mpi na kunatila yandi yau. Ntangu yandi kangulaka kitunga yandi yitukaka na kumona mwana ya bakala ya kitoko! Moïse vandaka kudila mpi mwana ya Faraon ya nkento kuwilaka yandi kyadi. Yandi zolaka ve nde bau kufwa yandi.

Na ntangu yina, Miriam kwisaka. Beno kemona yandi na kifwanisu? Miriam tubaka na mwana ya Faraon ya nkento nde: ‘Keti nge kezola mono kwenda kubingila nge nkento mosi ya Israele na kunwisa mwana mabele?’

Mwana ya Faraon ya nkento kundimaka nde: ‘Inga, kwenda.’

Miriam kwendaka ntinu kubinga mama na yandi. Ntangu mama ya Moïse kwisaka, mwana ya Faraon ya nkento kutubilaka yandi nde: ‘Nata mwana yai, nwisila mono yandi. Mono tafuta nge.’

Mama ya Moïse bakaka mwana na yandi mpi nwisaka yandi. Ntangu Moïse yelaka, yandi nataka yandi na mwana ya Faraon ya nkento mpi yandi kumaka mwana na yandi. Yau kele mutindu yina Moïse kotaka na nzo ya Faraon.

Kubasika 2:1-10.

Bangiufula ya Kulongukila

    Mikanda ya Kikongo (1982-2025)
    Basika
    Kota
    • Kikongo (Rép. dém. du congo)
    • Kabula
    • Mambu ya Nge Me Zola
    • Copyright © 2025 Watch Tower Bible and Tract Society of Pennsylvania
    • Bantuma ya Kulanda na Ntwala ya Kusadila
    • Bansiku ya Ke Tadila Kinsweki
    • Paramètres de confidentialité
    • JW.ORG
    • Kota
    Kabula