Yezu Vandaka Nani?

Yehowa tindaka Yezu na ntoto. 1 Yoane 4:9

Kana beto ke zola kupesa Yehowa kiese, beto fwete widikila muntu ya nkaka ya mfunu. Bamvula mingi kibeni na ntwala ya kuganga Adami, Yehowa gangaka kigangwa mosi ya ngolo ya kimpeve na zulu.

Na nima, Yehowa tindaka kigangwa yai na kubutuka na Betelemi na mwense mosi na zina ya Maria. Bo pesaka mwana yango zina Yezu.​—Yoane 6:38.

Ntangu yandi vandaka muntu na ntoto, Yezu monisaka bikalulu ya Nzambi na mutindu ya kukuka. Yandi vandaka ntima mbote, vandaka kuzola bantu, mpi bantu vandaka kusolula ti yandi kukonda mpasi. Kukonda boma, yandi longaka bantu ya nkaka kieleka ya me tala Yehowa.

Yezu salaka mambu ya mbote, kansi bantu mengaka yandi. 1 Piere 2:21-24

Diaka, Yezu belulaka bambefo mpi futumunaka bafwa.

Bantwadisi ya mabundu mengaka Yezu, sambu yandi vandaka kutungulula malongi na bo ya luvunu mpi banzila na bo ya mbi.

Bantwadisi ya mabundu ndimisaka bantu ya Roma na kubula Yezu mpi kufwa yandi.