KITINI YA 14

Inki Mutindu Nge Lenda Monisa Kwikama na Yehowa?

Vanda na lweka ya Nzambi. 1 Piere 5:6-9

Mukristu mosi ke buya kukota na mambu ya lusambu ya luvunu to na mambu ya politiki

Kuvukana ve ata na kinkulu mosi yina ke wakana ve ti Biblia. Yo ke lombaka bikesa sambu na kusala yo.

Kukota ve na mambu ya politiki; bo ke pesaka ve maboko na Yehowa mpi na Kimfumu na yandi.

Sala nsola ya mbote—widikila Nzambi. Matayo 7:24, 25

Muntu mosi me kwisa na lukutakanu na Nzo ya Kimfumu, mpi na nima yandi ke longuka Biblia ti Mbangi ya Yehowa

Vukana ti Bambangi ya Yehowa; bo ta sadisa nge na kukwenda pene-pene na Nzambi.

Landa kulonguka mambu ya Nzambi mpi sala ngolo na kulemfuka na bansiku na yandi.

Muntu mosi ke samba sambu na kumonisa nde yandi me kudipesa na Yehowa mpi na nima yandi me baka mbotika

Kana lukwikilu na nge me kuma ngolo, nge fwete pesa luzingu na nge na Yehowa mpi kubaka mbotika.—Matayo 28:19.

Widikila Nzambi. Tanga Biblia, mpi lomba Bambangi ya Yehowa na kusadisa nge na kubakisa yo. Na nima, sadila mambu yina nge me longuka. Kana nge sala mpidina, nge ta zinga kimakulu.—Nkunga 37:29.