Sambu na Bibuti

Inki kele dikabu ya kuluta mbote yina beno lenda pesa bana na beno? Bo kele na mfunu ya bima mingi, mumbandu, zola, lutwadisu mpi lutaninu na beno. Kansi dikabu ya kuluta mfunu yina beno lenda pesa bo kele nzayilu ya Yehowa mpi ya bakieleka yina kele na Ndinga na yandi, Biblia. (Yoane 17:3) Nzayilu ya mutindu yai lenda sadisa bana na beno na kuzola Yehowa mingi mpi na kusadila yandi na ntima ya mvimba, yantika bumwana.—Matayo 21:16.

Bibuti mingi ke monaka nde bana ke bakisaka mbote malongi ya nkufi mpi kana bo ke sala mambu. Yo yina, beto kele na kiese ya kubasisa kamukanda yai, Malongi na Mono ya Biblia. Lukanu ya konso dilongi kele ya kulonga na mutindu ya kukonda mpasi. Bo me yidika bifwanisu mpi bisono yina kele na lweka na yo ntete-ntete sambu na bana yina kele ti bamvula tatu to na nsi. Kele mpi ti bangindu ya ke songa mambu yina bo ta sala. Kamukanda yai, Malongi na Mono ya Biblia, kele ve kima ya kusakana na yo. Kansi, bo me sala yo sambu beno tanga yo kumosi ti bana na beno, na mpila nde yo sadisa beno na kusolula.

Beto ke tula ntima nde kamukanda yai ta sadisa beno na kulonga bana na beno kieleka ya Biblia “yantika bumwana.”—2 Timoteo 3:14, 15.

Bampangi na beno,

Nto-Kimvuka ya Bambangi ya Yehowa

[Kifwanisu ya kele na lutiti 3]