Kisambu
Inki mutindu beto me zaba nde Yehowa ke waka bisambu mpi ke pesaka mvutu?
Tala mpi Nk 66:19; Bis 10:31; Ebr 5:7
Bambandu ya Biblia yina ke sadisa beto:
1Bn 18:36-38—Yehowa pesaka mvutu nswalu na kisambu ya profete Eliya na Ngumba ya Karmele ntangu bo vandaka kutesana ti baprofete ya Baale
Mat 7:7-11—Yezu ke lomba beto na kulanda kusamba mpi ke ndimisa beto nde Yehowa ta wa bisambu na beto sambu yandi kele Tata ya zola
Nani mpamba me fwana nde beto songa yandi mambu na beto na kisambu?
Beto fwete sukisa kisambu na zina ya nani?
Yehowa ke waka bisambu ya banani?
Yehowa ke waka ve bisambu ya banani?
Bin 15:29; 28:9; Yez 1:15; Mik 3:4; Yak 4:3; 1Pi 3:7
Bambandu ya Biblia yina ke sadisa beto:
Yoz 24:9, 10—Yehowa waka ve kisambu ya Balami sambu mambu yina yandi lombaka wakanaka ve ti luzolo ya Yehowa
Yez 1:15-17—Yehowa waka ve bisambu ya bansadi na yandi sambu bo kumaka luvunu mpi kumaka ti mfuka ya menga
Inki kele mutindu ya mbote ya kusukisa kisambu mpi sambu na nki?
Keti Biblia ke lomba bantu na kutelama to kuvanda na mutindu mosi buna ntangu bo ke samba?
1Bn 8:54; Mar 11:25; Luk 22:39, 41; Yoa 11:41
Tala mpi Yoa 2:1
Inki bansadi ya Yehowa lenda lomba na kisambu ntangu bo me vukana sambu na kusambila Yehowa?
Bambandu ya Biblia yina ke sadisa beto:
1Bs 29:10-19—Ntotila Davidi sambaka na ntwala ya bantu ya Izraele ntangu bo vandaka kupesa makabu ya luzolo sambu na kutunga tempelo
Bis 1:12-14—Bantumwa, bampangi ya Yezu, Maria mama ya Yezu mpi bankento ya nkaka yina vandaka kuzola Nzambi mingi vukanaka na shambre ya zulu na Yeruzalemi sambu na kusamba
Sambu na nki muntu yina ke samba fwete kudimonisa ve to kusosa kubenda dikebi ya bantu?
Sambu na nki beto fwete samba na ntwala ya kudia?
Sambu na nki beto fwete sambaka Tata na beto ya zulu?
Bar 12:12; Efe 6:18; 1Te 5:17; 1Pi 4:7
Bambandu ya Biblia yina ke sadisa beto:
Dan 6:6-10—Ata bantu pesaka profete Daniele boma nde bo ta fwa yandi, yandi landaka kusamba Yehowa, yandi vandaka ve kusala yo ya kubumbana
Luk 18:1-8—Yezu tubilaka mbandu ya zuzi mosi ya mbi yina sadisaka nkento mosi sambu yandi landaka kuyangisa zuzi yina, Yezu pesaka mbandu yai sambu na kumonisa nde Tata na yandi ta sadisa bantu yina ke landa kusamba yandi
Inki kikalulu beto fwete vanda na yo kana beto ke zola nde Nzambi kuwa bisambu na beto mpi kulolula beto?
Bambandu ya Biblia yina ke sadisa beto:
2Bn 22:11-13, 18-20—Sambu ntotila Yoziasi kudikulumusaka mpi salaka bikesa sambu na kusepedisa Yehowa, Yehowa lolulaka yandi mpi monisilaka yandi ntima-mbote
2Bs 33:10-13—Bisambu ya kudikulumusa ya ntotila Manase salaka nde Yehowa kulolula yandi mpi kuvutula yandi diaka na kimfumu
Yehowa ke lombaka nde beto sala nki kana beto ke zola nde yandi lolula masumu na beto?
Sambu na nki na bisambu na beto, beto fwete lombaka mpi nde luzolo ya Nzambi kusalama?
Sambu na nki bisambu na beto fwete monisaka nde beto ke tudilaka Tata na beto ya zulu ntima mingi?
Inki kele mwa mambu ya mfunu yina beto lenda lomba na bisambu?
Zina ya Nzambi kuvanda ya santu
Kimfumu ya Nzambi kukwisa sambu na kuyala ntoto
Luzolo ya Yehowa kusalama
Kulomba Nzambi bima yina beto kele na yo mfunu sambu na kuzingila
Kulomba Nzambi na kulolula masumu na beto
Kulomba Nzambi na kusadisa beto sambu beto sala ve masumu
Kupesa Nzambi mersi
Kulomba Yehowa na kupesa beto mayele sambu beto bakisa mambu na yandi, beto zaba mambu mingi mpi beto kuma ti luswasukusu
Tala mpi Nk 119:34
Mbandu ya Biblia yina ke sadisa beto:
1Bn 3:11, 12—Yehowa sepelaka mingi ntangu ntotila Salomo lombaka yandi mayele mpi Yehowa pesaka Salomo mayele mingi
Kulomba Yehowa mpeve santu
Kusamba sambu na bampangi ya nkaka, mu mbandu bayina ke kutana ti mbangika
Kukumisa Nzambi
Bambandu ya Biblia yina ke sadisa beto:
Luk 10:21—Yezu kumisaka Tata na yandi na meso ya bantu mutindu Tata na yandi me sadisa bantu ya kudikulumusa yina kele bonso bana na kubakisa mambu ya Nzambi
Kus 4:9-11—Bawanzio ke pesaka Yehowa lukumu mpi nkembo yina me fwana sambu na yandi
Kusamba Yehowa na kusimba ntima ya bamfumu sambu beto sambila yandi na ngemba mpi beto longa nsangu ya mbote
Tala mpi Yer 29:7
Keti mpangi lenda samba ntangu yandi ke baka mbotika?
Keti beto lenda samba sambu na bampangi yina ke bela na kimpeve?
Sambu na nki babakala ke lwataka ve kitambala ntangu bo ke sambaka kansi sambu na nki bantangu ya nkaka bampangi-bankento ke lwataka kitambala ntangu bo ke samba?
Ntangu beto ke samba, Yehowa ke tulaka dikebi mingi ve na nda ya kisambu kansi na nki diambu?
Bambandu ya Biblia yina ke sadisa beto:
1Bn 18:25-29, 36-39—Sambu na kupesa mvutu na ntembe ya profete Eliya, baprofete ya Baale sambaka nzambi na bo na ndinga ya ngolo bantangu mingi, kansi nzambi na bo salaka ve ata kima
Bis 19:32-41—Bantu ya Efezo yantikaka kutuba na ndinga ya ngolo bangunga zole sambu na nzambi-nkento na bo Artemisi, bo bakaka ve ata mvutu, nkutu mfumu ya mbanza lombaka bo na kubika makelele