“Mono mesalamaka na mutindu mosi ya kuyituka”

“MONO katukaka wapi?” Yai kele ngyufula ya bana ya fyoti mingi kekudiyufulaka na ntangu mosi to ya nkaka. Kana bana ya fyoti meyela, bangyufula na bau kekumaka mbala mingi ya mudindu: “Luzingu katukaka wapi?” Ngyufula yai kutubilamaka mafunda ya bamvula meluta, mpi na yau bantu mingi ya mayele ya ntoto yai kebaka kintukila bonso mvutu ya kuluta mbote na ngyufula ya nene ya kisina ya luzingu. Na kisina mpenza, ntendula ya bankwikidi ya kintukila kele nde luzingu kubasikaka na kitulumukina.

Yau meluta penepene na bamvula 3000, Ntotila Davidi sonikaka nde: “Nge salaka mono na mutindu mosi ya kuyituka ti ya boma.” (Bankunga 139:14) Kana beto kelonguka mingi mambu yina metala luzingu, beto kekwisa kumona mpenza kyeleka ya bangogo yango. Ya kyeleka, Fred Hoyle, muntu ya mayele ya fiziki, sonikaka nde: “Bonso bantu ya bioshimi kusengumunaka mambi ya kuluta mingi na yina metala mambu mingi ya kuyituka ya luzingu, yau kemonana nde mabaku na yau ya kubasika na kintulumukina kele ya kuluta fyoti na mpila nde yonso lenda kubuyama. Luzingu lenda ve kubasika na kintulumukina.”

Kansi inki kele kisina ya luzingu? Biyitila zole ya ntete ya zulunalu yai ketubila dyambu yango. Kana nge tazola kuzaba mambu ya nkaka to nge tazola nde muntu mosi kukwisa kulonguka ti nge Biblia ya ofele na nzo, beto kelomba nge na kusonika na Association “Les Témoins de Jehovah”, B.P. 634 Limete, Kinshasa, Zaïre,to na mosi na adresi mebonga na nge. (Tala na lutiti 2.)