Bau Tubaka Sambu na Kunungisa Lukwikilu

NA NSUKA ya bamvunkama ya kumanaka, bangindu ya kunungisa siansi, filozofi, mpi bimvwama kubebisaka kukwikila na Nzambi ti na kupemama ya Biblia na Nzambi.

Kansi bangindu ya nkaka kuwakanaka mpi. Bansosi mingi kundimaka nde bangindu mingi kuvandaka sambu na kunungisa Nzambi kele kuluta sambu na kubuyama ya Nzambi nde yandi kele. Bansosa na bau mingi kumonisaka mpi mambu mingi nde Biblia kele Ndinga ya mepemama na Nzambi.

Charles T. Russel mpi kupesaka ngindu na yandi sambu na dyambu yai. Mafuku ya mafunda ya bantu kutangaka mukanda Le Divin Plan des Âges, ya yandi kubasisaka na 1886. Kapu mosi ya nene kuvandaka na ntu-dyambu “Démonstration de l’existence d’un Créateur souverainement intelligent.”

Na bamvu kumi ya kulandaka, Russell kusonikaka masolo, batrakite, ti mikanda yina vandaka kupesa bikuma ya ngolo ya kukwikila na Nzambi mpi na Biblia. Mikanda kubasisamaka na la Société Watch Tower. Prezida ya zole ya Société yina, F. Rutherford, kusonikaka mukanda Création (1927) mpi mikanda ya nkaka yina vandaka kutendula lukwikilu na Nzambi.

Kaka société yina mosi mekatuka na kubasisa mikanda ya metendula mambu yango mbote. Bambangi ya Yehowa kelomba beno na kufimpa yau ti dikebi yonso.

Kana nge tazola kuzaba mambu ya kuluta mingi to tazola nde muntu mosi kwisa kulonguka Biblia ya ofele ti nge na nzo, beto kelomba nge na kusonika na Association “Les Témoins de Jéhovah,” B.P. 634 Limete, Kinshasa, Zaïre, to na mosi na adresi mebonga na nge. (Tala na lutiti 2.)