Nku Kemana Kimakulu—Ntama Mingi Ve!

“Nku Kezo Fwa Bwala”—The New York Times, États-Unis.

“Nku na Kati ya Nzo”—O Globo, Brésil.

“Nku Mekotila Bankento”—The Globe and Mail, Canada.

YAI bantu-dyambu ya mebasika na bazulunalu na Amerika ya Nordi mpi ya Sudi. Yo kesonga mupepe mosi ya mekota na ntoto ya mvimba. Organizasio mosi (O.M.S.) mekatuka kutuba nde “na bamvula yai, nku mekuma kusalama mingi kibeni na mitindu na yo yonso.”

Tala bantalu yai ya kepesa boma:

Kufwa bantu. Na Amerika ya Sudi ti na bisanga ya Caraïbes, konso kilumbu bo kefwaka bantu kiteso ya 1250 na nku. Yo yina, “na bantoto mingi ya ndambu yina, kikuma ya zole ya kefwa bana mingi ya bamvula banda 15 tii na 24 kele lufwa ya nku.”

Nku na nitu ya bana. Kubula, kuladisa bana, ti kupesa bo basusi mekuma kusalama mingi na ntoto ya mvimba. Mu mbandu, “bambuta mingi ya bo meyulaka na bansi mingi ya kutoma ketuba nde, bantu kebebisa bana mingi, bo keladisa bana kiteso ya 10% to 15%, mingimingi bana ya bankento.”

Nku na nitu ya bankento. Na nima ya kusosa kuzaba banswa ya muntu (droits de l’homme) ikwa bo zitisaka ve na 1997, bantu yina sosaka kuzaba dyambu yango tubaka nde “nku kusalamaka mingi na kati ya banzo, mpi yo lwadisaka bankento mingi na konso insi yina kele na inza.” (Human Rights Watch World Report 1998) Nku ya kesalama na kati ya nzo kele dikambu ya kesalama mingi na inza, kansi bo ketubilaka yo ve. Yo yina, bo mekuma kubinga yo nde “nku ya kinsweki ya mvu-nkama ya 20.”​—⁠The Globe and Mail, Canada.

Na ntangu ya Noa mpi kiteso mosi​—⁠ntoto vandaka ya kufuluka na “mbi ti nku.” (Kuyantika 6:​9-12) Kansi, “muntu yina vandaka kulonga malongi ya Nzambi” ti dibuta na yandi, Yehowa gulusaka bo ‘ntangu yandi tindilaka bantu ya mbi masa yina fulukaka na ntoto.’ Nzambi tasala mpi mutindu mosi na ntangu na beto. Yandi tabumba “bantu na yandi” ntangu yandi tafwa bantu ya nku ti bantu ya mbi. Ebuna yandi takumisa ntoto yai paladisu na inza ya mpa ya yandi mesilaka. (2 Piere 2:​4-9; 3:​11-13) Keti nge kele na kyese ve na kuzaba nde ntama mingi ve, nku kemana kimakulu?

[Lupangu ya kele na lutiti 32]

KETI NGE TAZOLA MVUTUKILU MOSI?

Ata na kati ya inza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kwisa kulonguka ti nge Biblia ya ofele na inzo, beto kelomba nge na kusonika na Association “Les Témoins de Jéhovah,” B.P. 634 Limete, Kinshasa, République démocratique du Congo, to na mosi na adresi mebonga na nge yina kele na lutiti 2.