Yo Vutulaka Balupetu na Misapi na Bo

“TALA misapi na mono. Keti nge kemona luswaswanu?” Bakala mosi songaka diboko na yandi na nkento mosi, yina kele Mbangi ya Yehowa. Nkento yango talaka ebuna yandi monaka mbala mosi nde lupetu na yandi ya makwela vandaka dyaka ve. Yandi tendulaka nde yandi ti nkento na yandi lenda zinga dyaka kumosi ve, disonga nde bo bakaka desizio ya kufwa makwela na bo. Mbangi yina tubaka nde: “Ve! Baka mukanda yai, nge tanga yo. Yo tasadisa nge na makwela na nge.” Ebuna, yandi pesaka yandi mukanda Nzayilu ya Kenataka na Luzingu ya Mvula na Mvula yina ketendulaka mambu ya kele na Biblia.a

Bilumbu fyoti na nima bakala yina vutukaka na kutala Mbangi yina ti kyese yonso. Yandi songaka yandi diboko na yandi. Na mbala yai, yandi lwataka lupetu na yandi ya makwela. Yandi songaka Mbangi yina nde yandi ti nkento na yandi bo tangaka mukanda Nzayilu ebuna bo kele na kyese mingi ntangu yai. Ya kyeleka, mukanda yango kuvutulaka balupetu na misapi na bo.

Bandongisila ya Biblia lenda sadisa bakala ti nkento na kusongana zola ya kyeleka. Yo kele kyeleka sambu muntu yina kusonikisaka Biblia kele Ngangi na beto, ya ketuba nde: “Mono Mfumu Nzambi na nge, mono muntu ke longa nge sambu na mambote na nge, mono muntu ke nata nge na nzila ya nge fweti landa.”​—Yezaya 48:17.

[Noti na nsi ya lutiti]