Dyambu Mosi ya Nge Fwete Konda Ve

“Makabu yonso ya mbote mpenza” kekatukaka na Nzambi, Tata na beto ya zulu.​—Yakobo 1:17.

DIKABU ya kuluta nene yina Nzambi mepesaka bantu ya masumu kele mambu yina yandi meyidikaka sambu bo beluka na nzila ya Mwana na yandi mosi kaka ya mebutukaka, Yezu Kristu. Lufwa ya Yezu, Muntu yina kusumbaka beto, kesadisa beto na kubaka luzingu ya mvula na mvula na paladisu awa na ntoto. Na Luka 22:19, Biblia kelomba beto na kusungimina lufwa na yandi.

Bambangi ya Yehowa kebinga nge na kyese yonso na kwisa kuvukana ti bo sambu na kuzitisa ntuma yai ya Yezu. Nkinsi yai ya beto kesalaka mbala mosi na mvula tavanda na Lumingu, Aprili 8, 2001, na nima ya kudinda ya ntangu. Dati yina kewakana ti kilumbu ya Nisani 14 na manaka ya Biblia yina vandaka kulanda mutindu ngonda vandaka kubasika. Sonika dati yai sambu nge vila yo ve. Bambangi ya Yehowa ya bwala na nge lenda zabisa nge mpenza kisika ti ntangu lukutakanu yango tasalama.