Kilumbu ya Beto Fwete Yibuka

NA nkokila yina kuyitaka lufwa na yandi, Yezu Kristu kupesaka bantumwa na yandi dimpa ya kukonda kifunisu ti dikopa ya vinu mpi yandi songaka bo na kudya mpi kunwa yo. Yandi tubilaka bo dyaka nde: “Beno landa na kusala yo sambu na kuyibuka mono.”​—Luka 22:19, NW.

Na mvula yai, aniversere ya nkinsi yai tasalama na Lumingu, Aprili 4, na nima ya kudinda ya ntangu. Bambangi ya Yehowa na inza ya mvimba tavukana na mpimpa yai sambu na kusala Lusungiminu yai na mutindu ya Yezu kutumaka. Beto kebingisa nge ti kyese yonso na kwenda kuvukana ti bo. Bambangi ya Yehowa ya kisika ya nge kezinga tazabisa nge ntangu ti kisika yina lukutakanu yai ya sipesiali tasalama.