Emvitasio na Diskure Mosi ya Sipesiali

Nge Lenda Kudiwa na Lutaninu na Ntoto Yai ya Mavwanga!

Diskure yai ya mesimbama na Biblia tasalama na ntoto ya mvimba na bansi kuluta 230. Na bisika mingi, yo tasalama na Lumingu, Aprili 15, 2007. Inki mambu nge talonguka? Mu mbandu, tadila mambu yai:

Inki mesalaka nde bamiliare ya bantu na ntoto ya mvimba kudiwa kukonda lutaninu?

Mingimingi, na nki ntangu bantu yantikaka kudiwa nde bo kele dyaka ve na lutaninu?

Wapi mpi nki mutindu beto lenda zwa lutaninu ya kyeleka?

Kana nge kwisa kulanda diskure yai ya mfunu ya mesimbama na Biblia mpi ya tasalama na bisika mingi, nge tazwa bamvutu na bangyufula yai. Na bisika mingi, yo tasalama na Nzo ya Kimfumu ya Bambangi ya Yehowa. Bambangi ya bwala na beno tasepela na kuzabisa nge ntangu ti adresi. Beto kebinga nge na kyese yonso na kwisa kulanda diskure yai ya mesimbama na Biblia, ya mekwisa na ntangu ya mbote mpi ya kepesa kikesa.