Marsi 22, 2008​—Kilumbu ya Beto Fwete Yibuka

Na nkokila yina kuyitaka lufwa na yandi, Yezu Kristu kupesaka bantumwa na yandi dimpa ya kukonda levire ti dikopa ya vinu mpi yandi songaka bo na kudya mpi na kunwa yo. Yandi tubilaka bo dyaka nde: “Beno landa na kusala yo sambu na kuyibuka mono.”​—Luka 22:19, NW.

Na mvula yai, aniversere ya nkinsi yai tasalama na Mposo, Marsi 22, na nima ya kudinda ya ntangu. Bambangi ya Yehowa na ntoto ya mvimba tavukana na mpimpa yai ya sipesiali sambu na kusala Lusungiminu yai na mutindu Yezu kutumaka. Beto kebinga nge na kyese yonso na kwenda kuvukana ti bo. Yula Bambangi ya Yehowa ya kisika yina nge kezingaka sambu na kuzaba ntangu ti kisika yina lukutakanu yai tasalama.