NIMERO YA KULONGUKA

MASOLO YA KULONGUKA

▪ Sambu na Bantu Yina Ke Zolaka Yehowa, “Kele Ve ti Kima ya Kubudila Dibaku”

Bakristu yonso ke baka ntinu sambu na kubaka nsendo ya luzingu ya mvula na mvula. Kansi sambu na disumu ya kisina yina beto me butukaka ti yo, beto yonso ke bulaka dibaku. Disolo yai ta sadisa beto na kuzaba mambu tanu yina ke budisaka beto dibaku mpi beto ta mona mutindu beto lenda buya nde yo kanga beto nzila ya kununga.

▪ Keti Nge Kele na “Ntima Sambu na Kuzaba” Yehowa?

Mukanda ya Yeremia ke tubila mambu mingi na yina me tala ntima. Disolo yai ta sadisa beto na kuzaba ntendula ya ‘ntima ya kukonda kuyotisa’ mpi mutindu yo lenda vanda kigonsa ata sambu na Bakristu. Diaka, beto ta mona mutindu beto lenda vanda na ‘ntima sambu na kuzaba’ Yehowa.​—Yer. 9:26; 24:7.

▪ Sambu “Beno Me Zaba Nzambi”​—Inki Beno Fwete Sala?

Inki bitambi muntu fwete sala sambu na kuzaba Nzambi mpi Nzambi kuzaba yandi? Na nki mutindu Mukristu ke landaka kukwenda na ntwala na nima ya kuyela na kimpeve mpi sambu na nki? Disolo yai ta sadisa nge na kuzwa bamvutu na bangiufula yina.

▪ Yehowa​—Kisika na Beto ya Kuzingila

Beto ke zinga na nsi-ntoto mosi ya nku na mambu ya kimpeve, ata mpidina beto fwete wa ve boma. Disolo yai ke monisa mutindu beto kele ti kisika ya mbote ya lutaninu ya kuzingila​—Yehowa Nzambi na beto.

▪ Kumisa Zina ya Nene ya Yehowa

Kuvanda bantu yina bo ke bingaka na zina ya Nzambi ke tendula nki? Kutambula na zina yina ke tendula nki? Mpi inki mutindu Nzambi ke tadilaka bantu yina ke vwenzaka zina na yandi? Disolo yai ke pesa bamvutu na bangiufula yina.