Baluzayisu

◼ Mikanda ya kukabula na Yanuari 2007: Konso mukanda ya balutiti 192 yina kubasikaka na ntwala to na mvu 1991. Mabundu yina kele ve ti mikanda ya ntama ya balutiti 192 lenda kabula mukanda Nzayilu to kamukanda Kangula Meso! Februari 2007: Beto takabula mukanda Approchez-vous de Jéhovah. Kana dibundu kele ve ti mukanda yai, bo lenda sadila mukanda Nzayilu to mukanda yankaka ya ntama yina kele mingi na stoki ya dibundu. Marsi 2007: Beto takabula mukanda Biblia Kelongaka. Beno sala ngolo sambu na kuyantika kulonguka Biblia ti bantu na nzo.

◼ Yantika na Februari, mpi na ntwala ya Marsi 4, diskure ya mpa ya bantu yonso sambu na bankengi ya nzyunga tavanda na ntu-dyambu “Nani Tafwana na Kukota na Inza ya Mpa ya Nzambi?”

◼ Beto tatadila video Les jeunes s’interrogent. . . Que vais-je faire de ma vie ? na Lukutakanu ya Kisalu ya Aprili. Kana beno kele na mfunu na yo, dibundu fwete sala komande na yo kukonda kusukinina.

◼ Mabundu fwete yilama mbote sambu na kuta nkinsi ya Lusungiminu ya mvula yai na Kintete, Aprili 2, na nima ya kudinda ya ntangu, kansi ve na Kizole, Aprili 3, mutindu bo sonikaka yo na kifu na kamukanda Beto Fimpa Masonuku Konso Kilumbu​—⁠2007 ya Lingala. Ata diskure lenda yantika na ntwala, kulutisa bidimbu ya Lusungiminu fwete luta ve na ntwala nde ntangu kudinda. Beno zikisa mbote sambu na kuzaba lere ntangu tadinda na bwala na beno. Ata beto kezolaka nde konso dibundu kuta nkinsi ya Lusungiminu na Nzo ya Kimfumu na yo mosi, yo kevandaka mpasi sambu na mabundu yankaka. Na bisika yina mabundu mingi kesadilaka Nzo ya Kimfumu mosi, mbala yankaka dibundu mosi to mingi lenda sosa kisika yankaka yina bo tasadila na nkokila yina. Kana mpila tavanda, beto kepesa beno ngindu na kulutisa minuta 40 kana bayina kuyantikaka ntete memanisa mpi na ntwala nde bampangi yankaka kuyantika. Kusala mpidina tasadisa bantu yonso na kubaka mambote mingi ya lukutakanu yai. Beno fwete yidika mpi mbote mambu ya metala transpore mpi kisika ya kutula bakaminio na beno, yika mpi kisika ya kutulula mpi ya kubakila bantu na bakaminio. Kimvuka ya bankuluntu fwete zenga bo mosi nki mambu mefwana sambu na dibundu na bo.

◼ Basekretere ya mabundu fwete vanda ti Lettre de nomination de pionnier (S-202) ya konso mupasudi-nzila ya dibundu. Kana bo ke na yo ve, beto kelomba bo na kusonikila biro ya filiale.

◼ Beto tatinda Beto Fimpa Masonuku Konso Kilumbu​—⁠2007 na mabundu yonso ya Congo-Kinshasa kukonda kusadila Formilere Demande de publications (S-14). Yo takwisa ntalu kiteso mosi ti Kisalu na Beto ya Kimfumu. Kansi, kana dibundu na beno mesala dezia Formilere Demande de publications (S-14) mutindu beto tubilaka yo na baluzayisu ya Kisalu na Beto ya Kimfumu ya Augusti 2006, Departema ya expédition tatadila demande yina.