Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Februari 26, 2007. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Yanuari 1 tii na Februari 26, 2007. [Noti: Kana bo mezabisa ve kisika bo mebaka malongi na nima ya ngyufula, yo ketendula nde nge fwete sala bansosa na nge mosi sambu na kuzwa bamvutu.​—⁠Tala Nzo-Nkanda ya Kisalu, balutiti 36-7.]

BIKALULU YA MUTUBI

1. Inki ntangu beto fwete monisa mfunu ya kusadila mambu ya beto ketuba, mpi nki mutindu beto fwete sala yo? [be lut. 158 bapar. 2-4]

2. Sambu na nki yo kele mfunu na kusadisa bankaka na kumona mfunu ya mambu ya beto ketuba, mpi nki mutindu beto lenda sala yo? [be lut. 159 bapar. 3-4]

3. Sambu na nki yo kele mfunu nde beto pona bangogo na beto? [be lut. 160]

4. Inki tasadisa beto na kusoba bangogo na beto na mutindu ya mbote? [be lut. 161 bapar. 5-6; lut. 162 bapar. 1, 4]

5. Inki kele mwa mambote ya kekatuka na kusadila pula, yo vanda ya mabanza to ya kusonika? [be lut. 166 bapar. 1-3]

DISOLO NO. 1

6. Yo kelombaka nki sambu na kuyidika devware ya kutanga? [be lut. 43 bapar. 2, 4]

7. Inki kele mfunu na kusala sambu na kulanda mbandu ya Yehowa mpi kuyedisa zola sambu na mambu ya mbote mpi kimbeni sambu na mambu ya mbi? (Baeb. 5:14) [w05 1/1 lut. 21 par. 11]

8. Inki dyambu beto fwete yibuka kana beto tanga kima mosi na Biblia yina kepusa beto na kudiyula kana Nzambi kusalaka yo na mutindu mosi ya masonga mpi ya mbote? [w05 2/1 lut. 29 par. 7]

9. Inki beto fwete sala kana bantu kulomba beto na kusala kima mosi ya kewakana ve ti bansiku ya Nzambi? [w05 5/1 lut. 5 par. 9]

10. Inki mutindu Yezaya ketula dikebi mingi na Kimfumu ya Mesia mpi na muntu yina tayidika nzila ya kukwisa ya Mesia, Yoane Mbotiki? [bsi06 lut. 31 par. 35]

LUTANGU YA BIBLIA YA MPOSO NA MPOSO

11. “Lele” ya bo ketubila na Yezaya 25:7 yina “ke fika” bantu kele inki?

12. Inki mutindu bantu lenda “mona” Yehowa mpi ‘kuwa’ ndinga na yandi? (Yez. 30:​20, 21)

13. Kyeleka to Luvunu: Kima kupusaka Ezekiasi na kusala kisambu yina kele na Yezaya 38:3 kuvandaka kaka mpusa na yandi ya kuzinga bamvula mingi.

14. Inki mutindu bantu ya Izraele lendaka kusala bonso Bambangi ya Yehowa, mpi nki mutindu beto lenda landa mbandu na bo? (Yez. 43:⁠10)

15. Na kuwakana ti mbandu ya mbikudulu yina Yezaya 52:​11, 12 kepesa, yo kelomba nki sambu na ‘kunata bima’ ya Yehowa?