Baluzayisu

◼ Mikanda ya kukabula na Mayi: Beto tapesa Nzozulu ya Nkengi ti Réveillez-vous ! Ntangu beno tavutukila bantu yina kusepelaka, ti bayina kukwisaka na Lusungiminu to na balukutakanu yankaka ya dibundu kansi ya kevukanaka ve mbala na mbala ti dibundu, beno sala ngolo na kuyantika kulonguka Biblia ti bo na nsadisa ya mukanda Biblia Kelongaka, ti lukanu ya kuyantika kulonguka Biblia ti bo. Yuni: Beto tapesa mukanda Créateur to Kyese ya Dibuta. Yuli ti Augusti: Beno lenda sadila konso kamukanda ya balutiti 32 na kati ya tumikanda yai: Bampeve ya bafwa​—⁠Keti bau lenda sadisa nge to kusala nge imbi? Keti ya kyeleka bau kele?; Connaîtrons-nous un jour un monde sans guerre ?; Inki Kekuminaka Beto Kana Beto Mefwa?; Kangula Meso!; Keti Beto Fwete Kwikila na Butatu Busantu?; Keti ya Kyeleka Nzambi Kekudibanzaka Sambu na Beto?; Le nom divin qui demeure à jamais; Luyalu yina ta tula Paladisu; Nos problèmes ​—⁠ Qui nous aidera à les résoudre ?; Ntangu Muntu ya Nge Kezolaka Mefwa; Nzila Yina Kenataka na Luzingu ya Mvula na Mvula​—⁠Keti Nge Mezwaka Yo?; Quel est le but de la vie ? Comment le découvrir ?; “Tala; mono kesala bima yonso yampa;” Un livre pour tous; Une vie pleinement satisfaisante : Comment ?; mpi Zinga Mvula na Mvula na Kiese na Ntoto!

◼ Mutindu karte DPA kubasikaka na mvu 2006, beto kele ntangu yai ti mukanda yina kemonisa bampusa na beto. Kisalu na Beto ya Kimfumu ya Novembri 2006 kele ti ngika yina kesadisa bampangi na beto mingi na kufulusa bakarte DPA na bo. Ti mambu yai na mabanza, beto kelomba na bankengi yonso ya kulonguka ya mukanda na kuvanda ya kuyilama sambu na kusadisa konso nsamuni yina mebakaka mbotika ya kimvuka na bo.

◼ Kana nkuluntu mosi kezola kukwenda na lukutakanu ya distrike yankaka, kansi ve na yina dibundu na yandi takwenda, beto kelomba yandi na kusonika mukanda sambu na kuzabisa beto yo. Sambu mbala yankaka beto lenda lomba yandi na kusala diskure na lukutakanu yango, mingimingi kana mitubi kele ve mingi na lukutakanu yina. Kansi, yandi mosi muntu tafuta tike ya nzyetelo na yandi mpi badepanse yankaka yina yandi lenda sala.

◼ Na mposo ya Lukutakanu ya Sipesiali ya Kilumbu mosi, nkengi ya nzyunga tapona dibundu mosi kisika bo tayamba yandi. Bo tayidika balukutakanu sambu na kisalu ya bilanga bilumbu yonso, katula kaka bilumbu ya lukutakanu ya sipesiali. Dibundu yango tayidika kulonguka ya dibundu ya minuta 45 na Kizole na nkokila, na nima nkengi ya nzyunga to ya distrike, kana yandi kele mutubi ya nzenza, tasala diskure ya kisalu na minuta 45. Na kilumbu yankaka ya mposo na nkokila, dibundu tasala Nzo-Nkanda ya Kisalu ya Teokrasi mpi Lukutakanu ya Kisalu mutindu yo kesalamaka ntete. Bo lenda pesa mpi bankengi-ntambudi masolo na balukutakanu yai.