Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Yuni 25, 2007. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Mayi 7 tii na Yuni 25, 2007. [Noti: Kana bo mezabisa ve kisika bo mebaka malongi na nima ya ngyufula, yo ketendula nde nge fwete sala bansosa na nge mosi sambu na kuzwa bamvutu.​—⁠Tala Nzo-Nkanda ya Kisalu, balutiti 36-7.]

BIKALULU YA MUTUBI

1. Ntangu beto ketuba, inki beto lenda sala sambu na kulembisa misisa yina kele ya kutelama sambu ndinga na beto kuwakana mbote? [be lut. 184 par. 3–lut. 185 par. 2]

2. Inki mutindu beto lenda ‘kuma bima yonso sambu na bantu ya mitindu yonso,’ (NW) na kisalu na beto ya kusamuna? (1 Kor. 9:​20-23) [be lut. 186 bapar. 2-4]

3. Inki mutindu beto lenda landa mbandu ya Yehowa na yina metala kuwidikila bantu yankaka? (Kuy. 18:​23-33; 1 Bant. 22:​19-22) [be lut. 187 bapar. 1-2, 5]

4. Na nki mitindu ya sikisiki beto lenda sadisa bankaka na kuyela na kimpeve? [be lut. 187 par. 6–lut. 188 par. 3]

5. Sambu na nki beto fwete zitisa bantu yankaka? [be lut. 190 par. 3, lupangu]

DISOLO NO. 1

6. Sambu na nki beto fwete sala ngolo na kusimba ntima ya bantu yina beto kelonga? [be lut. 59 par. 1]

7. Inki bupusi mbandu na beto kevandaka na yo na bantu yina beto kelongaka? [be lut. 61 par. 1]

8. Inki mutindu beto lenda tomisa mayele na beto ya kusolula ti bantu na nzo? [be lut. 62 par. 3]

9. Inki mbandu ya kemonisa kikesa ya ngolo beto kemona na profete Yeremia? [bsi07 lut. 3 par. 36]

10. Mukanda ya Mawa ketubila kutula ntima na nani, mpi sambu na nki yo kele mfunu na kutubila bandola ya ngolo yina Nzambi tapesa bantu ya mbi? [bsi07 lut. 5 par. 13]

LUTANGU YA BIBLIA YA MPOSO NA MPOSO

11. Na kuwakana ti mambu yina Yeremia kutanaka ti yo mutindu Yeremia 37:21 ketendula yo, inki kivuvu beto lenda vanda na yo?

12. Sambu na nki Baruki lendaka kutuba nde Yehowa me ‘yika yandi bampasi yankaka,’ yina kusalaka nde yandi ‘lemba,’ mpi nki mambu Baruki kusalaka ntete? (Yer. 45:​1-5)

13. Na nki ntangu bantu vandaka kuzinga dyaka ve na Babilone, ebuna yo kumaka mpenza “mayumbu”? (Yer. 50:⁠13)

14. Inki munsiku ya metala kisambu kemonana pwelele na Mawa 3:​8, 9, 42-45?

15. Inki kele kifwani ya pusupusu yina Ezekiele kapu ya 1 ketubila?