Baluzayisu

◼ Mikanda ya kukabula na Yuli mpi Augusti: Beno lenda sadila konso kamukanda ya balutiti 32 yina beto tubilaka na Kisalu na Beto ya Kimfumu ya Mayi 2007. Septembri: Beto takabula mukanda Inki Biblia Kelongaka Mpenza? Beno sala kikesa sambu na kuyantika kulonguka Biblia ti bantu na mbala ya ntete ya beno mekutana ti bo. Kana bawi kele dezia ti mukanda yai, beno monisa na bunkufi mutindu beto kelongukaka Biblia ti bantu sambu na kusonga bo mutindu bo lenda bakila yo mambote. Oktobri: Beto tapesa bazulunalu Nzozulu ya Nkengi mpi Réveillez-vous ! Kana muntu kumonisa mpusa, songa mpi tadila ti yandi trakiti Aimeriez-vous en savoir plus sur la Bible ? sambu na kuyantika kulonguka Biblia ti bo.

◼ Na dati ya Desembri 9, 2007, banzo ya filiale takanguka ve sambu bo tasala kisalu ya kutula bunkete na Betele. Bo tabaka ve ata ngidika mosi sambu na kutambusa bantu yina takwisa kutala Betele kilumbu yina.

◼ Sambu Septembri tavanda ti bawikendi tanu, yo tavanda ngonda ya mbote sambu na kusala kisalu ya kimupasudi-nzila nsadisi.

◼ Yantika na Septembri, bankengi ya nzyunga tasala diskure ya bantu yonso yina tavanda na ntu-dyambu “Inki Kemonisa nde Biblia Kele ya Kyeleka?”

◼ Yo kelombaka nde beno tinda baformilere ya bampangi yina kelomba kisalu ya kimupasudi-nzila ya ntangu yonso na biro ya filiale kiteso ya bilumbu 60 na ntwala ya dati yina yandi kelomba na kuyantika kisalu yango. Sekretere ya dibundu fwete zikisa baformilere yango sambu na kuzaba kana yo kele ya kufulusa mbote. Kana munkwa formilere mevila dati ya yandi bakaka mbotika, beno fwete meka kutula dati mosi ya penepene mpi kubumba yo na dosie. Sekretere fwete sonika dati yango na karti ya Rapore ya Nsamuni ya Dibundu (S-21).

◼ Beno fwete sala emvantere ya mikanda ti ya baperiodike yonso yina kele na stoki na Augusti 31, 2007, to ntama mingi ve na nima ya dati yai. Emvantere yai kele kiteso mosi ti kutanga mikanda yina kordinatere ya mikanda kesalaka konso ngonda, mpi beno tasonika bantalu ya kimvuka na formilere Stock des publications (S-18). Beno tazwa ntalu ya kimvuka ya baperiodike yina mebikala na stoki na (ba)nsadi yina ketalaka baperiodike. Sekretere ya dibundu yina kele kordinatere na mikanda muntu fwete twadisa emvantere yango. Ebuna yandi ti nkengi-ntwadisi ya dibundu yina kele kordinatere na mikanda tatula siniatire na formilere yango. Beto tatindila konso dibundu yina kele kordinatere na mikanda baformilere tatu ya Stock des publications. Beto kelomba beno na kutinda formilere ya kisina na biro ya filiale na ntwala ya Septembri 6. Beno tabumba kopi mosi na badosie na beno, ebuna beno lenda sadila kopi ya tatu bonso kopi ya kulosa na nima.

◼ Bansoba ya badati ya Lukutakanu ya Distrike 2007 ‘Landa Kristu!’: Butembo: Yuli 27 - 29, 2007 (F); Kiwanja: Yuli 28 - 29, 2007 (bilumbu zole) (SW); Tshikapa: Augusti 10 - 12, 2007 (F).

◼ Nzozulu ya Nkengi ya Septembri 1, 2007 tatubila disolo Inki Kele Mfunu ya “Kuwakana ya Ntama”? Sambu ngyufula yai kele mfunu mingi, beto tayika 10% ya nimero yai na ntalu ya bakopi yina konso dibundu kebakaka.

◼ Réveillez-vous ! ya Septembri tatubila disolo Keti Nzambi Muntu Kele na Kisina ya Bisumbula ya Lugangu? Sambu disolo yai kele mfunu mingi, beto tayika 10% ya nimero yai na ntalu ya bakopi yina konso dibundu kebakaka.