Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Augusti 27, 2007. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Yuli 2 tii na Augusti 27, 2007.

BIKALULU YA MUTUBI

1. Inki mutindu beto lenda monisa luzitu na bankaka na kisalu na beto ya kusamuna mpi na dibundu? [be lut. 192 bapar. 2-4]

2. Ntangu beto ketuba na bankaka, inki kele mfunu sambu na kumonisa nde beto kekwikila mpenza na mambu ya beto ketuba? [be lut. 196 bapar. 1-3]

3. Tanga mwa bangindu yina tasadisa beto na kutuba ti mayele na ntangu beto keta kimbangi na bankaka. [be lut. 198 par. 1–lut. 199 par. 1]

4. Inki mutindu kutuba ti mayele kelombaka mpi kupona ntangu ya mbote ya kutuba mambu na ntangu beto keta kimbangi na bankaka? (Bing. 25:11) [be lut. 199 bapar. 2-4]

5. Inki mutindu beto lenda sala badiskure na beto na mutindu ya kepesa kikesa? [be lut. 203 par. 3–lut. 204 par. 1]

DISOLO NO. 1

6. Inki beto lenda tuba na yina metala masonama ya Ezekiele, kana yo kele na kati ya mikanda ya kupemama ya Biblia to ve, mpi na yina metala bukyeleka na yo? [bsi07 lut. 6 par. 3]

7. Tanga kikalulu mosi yina kele mfunu sambu na kukanga ntima na kukonda lunungu. [w05-F 6/1 lut. 29 par. 4]

8. Inki dilongi beto kebaka na mvutu yina Yezu kupesaka Basaduse ntangu bo yulaka yandi ngyufula ya metala lufutumuku? (Luka 20:​37,38) [be lut. 66 par. 4]

9. Kana longoki ya Biblia to Mukristu mosi kuyula nge kima ya yandi fwete sala sambu na dyambu mosi buna, inki mutindu nge fwete pesa yandi mvutu? [be lut. 69 bapar. 4-5]

10. Yo kelombaka inki na kukumisa ‘ntima ti mabanza na beto ya mpa’? (Ef. 4:23) [be lut. 74 par. 4]

LUTANGU YA BIBLIA YA MPOSO NA MPOSO

11. Muntu ya me “lwata bilele ya lino” yina bo ketubila na Ezekiele 9:​2-4 kemonisa nani, mpi “kidimbu na ilungi” ketendula inki? [w88-F 9/15 lut. 14 par. 18]

12. Inki mutindu bamfumu ya mabundu ya Kikristu kele bonso ‘baprofete ya bazoba yina vandaka kutuba mambu ya bo mosi keyindula’ mutindu Ezekiele 13:3 ketuba yo? [w99 10/1 lut. 21]

13. Na ntangu bo vandaka ‘kutuba-tuba kingana’ yina kele na Ezekiele 18:​2, bantu ya Izraele vandaka kusosa kusala inki, mpi nki dilongi ya mfunu kemonana pwelele ya metala kubaka mikumba? [w88-F 9/15 lut. 18 par. 10]

14. Na nki mutindu Ezekiele vandaka “kutuba” dyaka ve na ntangu bo zyungaka Yeruzalemi mpi bo fwaka yo? (Ezek. 24:27; 33:22) [w03 12/1 lut. 29]

15. Nani kele ‘Gogi na nsi ya Magogi,’ mpi nki ntangu yandi tatelama sambu na kufwa bansadi ya Yehowa? (Ezek. 38:​2, 16) [w97 3/1 lut. 24 par. 1–lut. 25 par. 3]