Mukanda ya Betele

Bansamuni ya Kimfumu:

Beto kele na kyese mingi ya kumona kuyela ya kisalu na teritware ya filiale na beto na nsungi ya mvula ya kisalu ya mvu 2007! Na Yanuari 2007, ntalu ya kuluta nene ya bansamuni ya beto zwaka na Congo-Kinshasa vandaka 138273 mpi bapasudi-nzila ya ntangu yonso 10765. Na Congo-Brazzaville beto zwaka ntalu ya kuluta nene ya bansamuni 5406 na Aprili 2007. Na nsungi ya bangonda nana ya ntete ya mvu ya kisalu 2007, beto bingaka bampangi 33 na kukwisa kusadisa beto na Betele. Beto kele na mfunu ya bampangi mingi ya luzolo yina mefwana sambu na kusala na badepartema ya kuswaswana, mingimingi na departema ya bo kebalulaka mikanda.

Na teritware ya filiale na beto, beto kabulaka kiteso ya bamilio 8 ya Nsangu ya Kimfumu No. 37, “Nsuka ya Dibundu ya Luvunu Mefinama!” Barapore mingi kemonisa nde, na nima ya kubaka mpi kutanga kopi mosi, bantu vandaka kusikisa Bambangi ya Yehowa sambu nsangu yina kukangulaka bo meso. Bo bakisaka nde yo kele mfunu na kuzaba dibundu ya kyeleka. Bantu mingi kukwendaka na balukutakanu mpi kundimaka kulonguka Biblia.

Lukanu ya bakampanye ya mutindu yai kevandaka ya kusadisa bantu ya ntima ya masonga na kulonguka nki Biblia kelongaka mpenza. (Mat. 28:​19, 20) Ntangu beno kesamuna, beno vila ve na kubaka noti ya bantu yonso yina kumonisaka mpusa, mpi kuvutukila bo ti lukanu ya kuyantika kulonguka Biblia mpi kulanda kusala yo ti bantu yina kele ya kuyilama “sambu na kuvanda na moyo ya mvula na mvula.” (Bis. 13:48) Beto kele na kyese ya kusala kumosi ti beno na kisalu yai ya mfunu, mpi beto ketindila beno mbote na beto ya luzolo.

Bampangi na beno,

Betele ya Congo-Kinshasa