Baluzayisu

◼ Mikanda ya kukabula na Novembri: Longuka na Longi ya Nene. Kana bantu yango metuba nde bo ke na bana ve, beno pesa bo kamukanda Kangula Meso! Desembri: Muntu ya Kuluta Nene ya Ntangu Yonso. Beno lenda sadila mpi mukanda Approchez-vous de Jéhovah to Kinsweki ya Kyese ya Dibuta. Yanuari: Konso mukanda ya balutiti 192 yina kubasikaka na ntwala ya mvu 1991. Mabundu yina kele ve ti mikanda yai ya ntama lenda kabula mukanda Nzayilu to kamukanda Kangula Meso! Februari: Y a-t-il un Créateur qui se soucie de vous ? to Kinsweki ya Kyese ya Dibuta.

◼ Sambu Desembri tavanda ti bawikendi tanu, yo tavanda ngonda ya mbote sambu na kusala kisalu ya kimupasudi-nzila nsadisi.

◼ Beto kele ti mikanda mingi ya ketendulaka Biblia yina bo mebasisaka sambu na kusadisa beto na kuta kimbangi na bantu ya bansi ti mabundu ya kuswaswana. Nsadi na mikanda kele ti lisiti ya mikanda yango yina lenda sadisa beto.

◼ Kana bo mesala yo ntete ve, beto kelongisila bansamuni yonso na kufulusa dokima Instructions médicales (DPA). Karte yai ketaninaka nswa na nge ya kubuya nde bo vutudila nge menga. Kana yo kele mfunu, bankuluntu tasadisa konso muntu yina kekuka ve kufulusa yo.​—⁠Tala ngika ya Kisalu na Beto ya Kimfumu ya Novembri 2006.

◼ Bansamuni tavutulaka dyaka ve Rapore ya Kulonguka (S-3) sambu na konso kulonguka yina bo ketwadisa na ngonda. Kansi, bo fwete landa na kusonika na Rapore ya Kisalu (S-4) ntalu ya bantu yina bo melonguka ti bo Biblia na kitini yina mefwana. Kubanda ntangu yai, beto tasadila S-3 kaka sambu na kupesa ntalu ya bantu yina kevukanaka na balukutakanu.

◼ Réveillez-vous ! ya Novembri 2007 tatubila disolo yai “ Pouvez-vous avoir confiance en la Bible ? “ Sambu ngyufula yai kele mfunu mingi, beto tayika konso dibundu 10% ya zulunalu yai na zulu ya ntalu ya bo kebakaka ntete.

◼ Nzozulu ya Nkengi ya Kifalansa ya Novembri 15, 2007 tatubila disolo yai “Muntu Lenda Vanda na Luzingu Yina Kele ti Lukanu!” Sambu ngyufula yai kele mfunu mingi, beto tayika konso dibundu 10% ya zulunalu yai na zulu ya ntalu ya bo kebakaka ntete.

◼ Na ntwala ya kukota na lupitalu, beto kelomba beno na kuzabisa ntangu yonso nkuluntu mosi ya dibundu na beno yina lenda solula ti Komite ya Kuwakana ti Balupitalu (Comité de liaison hospitalier). Komite yai tapesa nge bazina ya badoktere yina mefwana na kusansa maladi na nge, bayina mendimaka na kusansa Bambangi kukonda kusadila menga. Yo kele mingimingi mfunu kana nge kemona bonso nde bo tatinda nge na lupitalu na mbanza yankaka, yo vanda na insi na beno to ya nzenza. Sambu na kuzitisa busantu ya menga, yo kele mayele na kuvanda ti zina ya doktere mosi ya mbote na ntwala nde nge sala nzyetolo. Biro ya filiale lenda sadisa beno na kuzwa bansangu yai, kansi yo kele mukumba na beno mpi ya bantu yina beno kevandaka ti bo na kusala mambu yankaka yina yo talomba.