Baluzayisu

◼ Mikanda ya kukabula na Yanuari: Konso mukanda ya balutiti 192 yina kubasikaka na ntwala ya mvu 1991. Mabundu yina kele ve ti mikanda yai ya ntama lenda kabula mukanda Nzayilu to kamukanda Kangula Meso! Februari: Y a-t-il un Créateur qui se soucie de vous ? to Kinsweki ya Kyese ya Dibuta. Marsi: Inki Biblia Kelongaka Mpenza? Beno sala kikesa sambu na kuyantika kulonguka Biblia ti bantu. Aprili: Nzozulu ya Nkengi ti Réveillez-vous ! Beno tasala kikesa sambu na kuvutukila bantu yina kusepelaka mpi kukwisaka na Lusungiminu ti na diskure ya sipesiali ya bantu yonso, kansi ya kevukanaka ve mbala na mbala ti dibundu. Lukanu ya bamvutukila yina fwete vanda ya kuyantika kulonguka Biblia ti bayina mendima ntete ve kulonguka.

◼ Sambu Marsi tavanda ti bawikendi tanu, yo tavanda ngonda ya mbote sambu na kusala kisalu ya kimupasudi-nzila nsadisi.

◼ Yantika na Februari, mpi na ntwala ya Marsi 2, diskure ya mpa ya bantu yonso sambu na bankengi ya nzyunga tavanda na ntu-dyambu “Na Wapi Nge Lenda Baka Lusadisu na Ntangu ya Mpasi?”

◼ Mabundu fwete yilama mbote sambu na kuta nkinsi ya Lusungiminu ya mvula yai na Mposo, Marsi 22, na nima ya kudinda ya ntangu. Ata diskure lenda yantika na ntwala, bidimbu ya Lusungiminu fwete luta ve na ntwala nde ntangu kudinda. Beno zikisa mbote sambu na kuzaba lere ntangu tadinda na bwala na beno. Konso dibundu fwete sala Lusungiminu na Nzo ya Kimfumu na yo mosi. Kansi, mpila kevandaka ve ntangu yonso ya kusala mutindu yina. Na bisika yina mabundu mingi kesadilaka Nzo ya Kimfumu mosi, mbala yankaka dibundu mosi to mingi lenda sosa kisika yankaka yina bo tasadila na nkokila yina. Kana mpila tavanda, beto kepesa beno ngindu na kulutisa minuta kiteso ya 40 kana bayina kuyantikaka ntete memanisa mpi na ntwala nde bampangi yankaka kuyantika. Kusala mpidina tasadisa bantu yonso na kubaka mambote mingi ya lukutakanu yai. Beno fwete yidika mpi mbote mambu ya metala transpore mpi kisika ya kutula bakaminio na beno, yika mpi kisika ya kutulula mpi ya kubakila bantu na bakaminio. Kimvuka ya bankuluntu fwete zenga bo mosi nki mambu mefwana sambu na dibundu na bo.

◼ Basekretere ya mabundu fwete vanda ti Lettre de nomination de pionnier (S-202) ya konso mupasudi-nzila ya dibundu. Kana bo ke na yo ve, beto kelomba bo na kusonikila biro ya filiale.