Baluzayisu

◼ Mikanda ya kukabula na Marsi: Inki Biblia Kelongaka Mpenza? Beno sala kikesa sambu na kuyantika kulonguka Biblia ti bantu. Aprili ti Mayi: Nzozulu ya Nkengi ti Réveillez-vous ! Beno tasala kikesa sambu na kuvutukila bantu ya mpa yina kumonisaka mpusa mpi kukwisaka na Lusungiminu ti na diskure ya sipesiali ya bantu yonso, kansi ya kevukanaka ve mbala na mbala ti dibundu. Lukanu ya bamvutukila yina fwete vanda ya kuyantika kulonguka Biblia ti bayina mendimaka ntete ve kulonguka. Yuni: Inki Biblia Kelongaka Mpenza? Beno sala kikesa sambu na kuyantika kulonguka Biblia ti bantu.

◼ Kana banimero ya nsuka ya Nzozulu ya Nkengi ti ya Réveillez-vous ! mekuma, mabundu fwete kabula yo kukonda kusukinina. Kusala mutindu yai tasadisa bansamuni na kutanga masolo yina ke na kati na ntwala ya kukabula yo na kisalu ya bilanga.

◼ Nkengi-ntwadisi tapona mpangi mosi yina fwete sala emvantere ya konti ya dibundu sambu na ngonda ya Desembri, Yanuari, ti Februari. Beno fwete sadila kaka ve muntu yina mosi sambu na kusala emvantere ya konti ya dibundu. Kana beno mesala yo imene, beno fwete zabisa yo na dibundu ntangu beno tasala rapore ya konti yina kelanda.​—⁠Tala Bantuma Sambu na Konti ya Mabundu (S-27).

◼ Ntu-dyambu sambu na balukutakanu ya distrike ya mvu 2008 kele “Mpeve ya Nzambi Ketwadisaka Beto.” Ngika ya Kisalu na Beto ya Kimfumu ya Aprili tapesa bansangu ya sikisiki yina tasadisa nge na kubaka bangidika ya nsuka yina tasadisa nge na kuvanda na bitini yonso ya lukutakanu yai ya bilumbu tatu. Kana nge ke na mfunu ya kulomba konzie na kisalu na nge sambu na kuvanda na lukutakanu yina bilumbu yonso tatu, kusukinina ve na kusala yo.