Baluzayisu

◼ Mikanda ya kukabula na Septembri: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu na mbala ya ntete ya beno tapesa bo mukanda yai. Oktobri: Nzozulu ya Nkengi mpi Réveillez-vous ! Kana muntu kumonisa mpusa, songa yandi trakiti Keti Nge Tazola Kuzaba Kyeleka? mpi sala bikesa sambu na kuyantika kulonguka Biblia ti bo. Novembri: Bampeve ya bafwa—Keti bau lenda sadisa nge to kusala nge imbi?; Keti ya kyeleka bau kele?, Nzila Yina Kenataka na Luzingu ya Mvula na Mvula—Keti Nge Mezwaka Yo?, Un livre pour tous mpi Une vie pleinement satisfaisante : Comment ?

◼ Diskure ya sipesiali ya bantu yonso sambu na nsungi ya Lusungiminu ya mvu 2011 tasalama na mposo ya Aprili 25, 2011. Beto tazabisa beno ntu-dyambu ya diskure yango na nima. Mabundu yina tayamba nkengi ya nzyunga to tavanda ti lukutakanu ya nzyunga to ya sipesiali na wikendi yina, tasala diskure ya sipesiali na mposo yina talanda. Ata dibundu mosi ve fwete sala diskure ya sipesiali na ntwala ya Aprili 25.

◼ Lusungiminu: Beno zikisa nde beno metinda dezia na Betele rapore na beno ya Lusungiminu. Kana beno kele ti ketiketi, beno lenda tinda yo na SMS na kulanda bantuma ya kele na mukanda ya Desembri 15, 2006.

◼ Rapore ya Kisalu ya Kusamuna: Beno sala kikesa ya ngolo sambu na kutinda rapore ya dibundu na beno konso ngonda na ntangu ya mefwana. Beto kezola nde rapore ya filiale na beto ya kele na annuaire kumonisa mpenza rapore ya kyeleka, yika mpi sambu na bangonda ya nsuka ya mvula ya kisalu.