Baluzayisu

◼ Mikanda ya kukabula na Aprili mpi Mayi: Bazulunalu Nzozulu ya Nkengi ti Réveillez-vous ! Ntangu beno tavutukila bantu yina kusepelaka, ti bayina kukwisaka na Lusungiminu to na balukutakanu yankaka ya dibundu kansi ya kevukanaka ve mbala na mbala ti dibundu, beno fwete sala ngolo sambu na kuyantika kulonguka Biblia ti bantu na kusadilaka mukanda Biblia Kelongaka. Yuni: Inki Biblia Kelongaka Mpenza? Kana bawi kele dezia ti mukanda yai, bansamuni lenda pesa bo konso mukanda ya balutiti 192 yina mpusu na yo meyantika kukuma ya ntama to konso mukanda yina ya bo basisaka na ntwala ya 1995.

◼ Mabundu lenda soba manaka ya balukutakanu ya mposo yina kele na ntwala ya mposo ya lukutakanu ya distrike sambu na kuvutukila bandongisila ti bangibusa ya ketadila kukwenda na lukutakanu ya distrike. Ngonda mosi to bangonda zole na nima ya lukutakanu na beno ya distrike, beno lenda sadila disolo mosi ya ketubila bampusa ya dibundu sambu na kuvutukila mambu ya mfunu ya lukutakanu ya distrike yina bansamuni kumonaka mbote na kusadila na kisalu ya kusamuna.

◼ Yantika na Mayi, mabundu yonso fwete sadila Sabala ya ntete ya konso ngonda sambu na kusala ngolo na kuyantika kulonguka Biblia ti bantu. Bo mebasisaka masolo ya melandana na Nzozulu ya Nkengi, “Longuka na Ndinga ya Nzambi,” sambu na kusadisa bansamuni na kulungisa lukanu yai. Lutiti ya nsuka ya konso nimero ya Kisalu na Beto ya Kimfumu tavanda ti bangogo ya pete ya kukotila na masolo sambu na ngonda ya kelanda, mpi bangindu sambu na kuyantika kulonguka Biblia ti muntu na Sabala ya ntete.