Baluzayisu
◼ Mikanda ya kukabula na Augusti: Konso kamukanda yina na kati ya tumikanda yai ya balutiti 32: Bampeve ya Bafwa—Keti bau lenda sadisa nge to kusala nge imbi?, Inki Kekuminaka Beto Kana Beto Mefwa?, Kangula Meso!, Keti Beto Fwete Kwikila na Butatu Busantu?, Le nom divin qui demeure à jamais, Ntangu Muntu ya Nge Kezolaka Mefwa, “Tala; mono kesala bima yonso ya mpa” mpi Zinga Mvula na Mvula na Kiese na Ntoto! Septembri: Inki Biblia Kelongaka Mpenza? Beno sala ngolo na kuyantika kulonguka Biblia ti bantu na mbala ya ntete ya beno mekutana ti bo.
◼ Beto kezola kuyibukisa beno nde, mukumba ya nkengi ya kimvuka ya kisalu ya bilanga kele ya kusadisa na kubaka barapore ya kisalu ya bansamuni mpi ya bapasudi-nzila yina kele na kimvuka na yandi. Kusala mutindu yai tasadisa Betele na kuvukisa barapore ya mabundu yonso na ntangu ya mbote na nsuka ya konso ngonda. Dyambu yai kele mfunu mingi kibeni na ngonda ya Augusti mpi ya Septembri sambu na kumanisa kusala rapore ya kisalu ya bilanga ya mvula ya mvimba na sikisiki yonso. (Tala Beto Mevukana kapu 5 lut. 45).
◼ Beto kelomba beno na kuzaba nde bimvuka yina dibundu mosi buna ketwadisaka fwete tinda ve mbala mosi barapore ya kisalu na bo na Betele, kansi bo fwete pesa yo na dibundu yina ketwadisaka bo. Bankuluntu ya dibundu tavukisa barapore ya kimvuka yango ti barapore ya dibundu, ebuna bo tatinda yo yonso na Betele.
◼ Beto tatadila bavideo yai zole na balukutakanu ya kisalu ya bangonda yina kekwisa: Les Témoins de Jéhovah — la foi en action, 1re partie : la sortie des ténèbres mpi Les merveilles de la création révèlent la gloire de Dieu. Kana beno kele ti mfunu na yo, dibundu lenda lomba yo kukonda kusukinina.