Baluzayisu

◼ Mikanda ya kukabula na Septembri: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu na mbala ya ntete ya beno tapesa bo mukanda yai. Oktobri: Nzozulu ya Nkengi mpi Réveillez-vous ! Kana muntu kumonisa mpusa, songa yandi trakiti Keti Nge Tazola Kuzaba Kyeleka? mpi sala bikesa sambu na kuyantika kulonguka Biblia ti bo.

◼ Sambu na kuyidika lukutakanu ya mposo ya keyantika na Oktobri 3, beto kesyamisa mabuta yonso na kutadila na lusambu ya dibuta bandongisila ya mbote kibeni yina kele na bazulunalu na beto sambu na kutanina mavimpi ya mbote ya mabuta na beno. Beno tadila dyaka masolo yai ya kele na ba Réveillez-vous ! : Se nourrir mieux, c’est possible ! (Mayi 8, 2002); ‘ Six façons de protéger votre santé un défi dans les pays en voie de développement.’ (Septembri 22, 2003); ‘ Le savon, un “ vaccin à la portée de tous, ”’ (Novembri 22, 2003). Beno vanda ya kuyilama na kutendula mutindu bandongisila yankaka kesadisaka dibuta na beno.

◼ Beno tasala diskure ya sipesiali ya bantu yonso sambu na nsungi ya Lusungiminu ya mvu 2012 na mposo ya Aprili 2. Beto tazabisa ntu-dyambu ya diskure yai na bilumbu kekwisa. Ata dibundu mosi ve fwete sala diskure ya sipesiali na ntwala ya Lusungiminu.

◼ Bansamuni yina tasala kisalu ya kimupasudi-nzila nsadisi na ngonda ya Marsi 2012 tapona kana bo tapesa bangunga 30 to bangunga 50 yina bo kelombaka konso ngonda. Kana nkengi ya nzyunga tatala dibundu na beno na Marsi, beto kelomba bansamuni yonso yina tasala kisalu ya kimupasudi-nzila nsadisi na ngonda yina, yo vanda bayina fwete pesa bangunga 30 to 50, na kuvukana na lukutakanu yina nkengi ya nzyunga tasala ti bapasudi-nzila ya ntangu yonso banda luyantiku tii na nsuka.

◼ Na Septembri, bankengi ya nzyunga tayantika kusala diskure ya bantu yonso ya kele na ntu-dyambu, “Vukana ti Bantu ya Nzambi Yina Kele na Kyese.”