Baluzayisu

◼ Mikanda ya kukabula na Desembri: Muntu ya Kuluta Nene ya Ntangu Yonso. Kana bawi kele na bana, pesa bo mukanda Longuka na Longi ya Nene to Mukanda ya Bankenda ya Biblia. Yanuari: Inki Biblia Kelongaka Mpenza? Beno sala ngolo sambu na kulonguka Biblia ti bantu na mbala ya ntete ya beno mekutana ti bo. Kana bawi kele dezia ti mukanda mpi kendima ve kulonguka Biblia, bansamuni lenda pesa bo bazulunalu ya ntama to konso kamukanda yina mesepedisa bo.

◼ Lusungiminu ya mvu 2013 tasalama na Kizole, Marsi 26.

◼ Kana sekretere ya dibundu mebaka formilere S-43 (Veuillez suivre l’intérêt) sambu na dibundu yankaka ya kele na mbanza to na bwala na beno, yandi fwete sala yonso sambu na kusosa kuzaba zina ya dibundu yina kele na teritware ya muntu yina kumonisaka mpusa kezingaka. Yandi tasonika zina ya dibundu yango na formilere S-43 na ntwala ya kutinda yo na dibundu yina. Yandi tatinda formilere yai na biro ya filiale kaka kana yandi mesala yonso sambu na kusosa kuzaba zina ya dibundu yango mpi yandi mezwa yo ve.