Baluzayisu

◼ Mikanda ya kukabula na Marsi: Inki Biblia Kelongaka Mpenza? Beno sala ngolo na kuyantika kulonguka Biblia ti bantu na mbala ya ntete ya beno mekutana ti bo. Kana bawi kele dezia ti mukanda yai mpi mendima ve kulonguka Biblia, bansamuni lenda pesa bo baperiodike ya ntama to konso kamukanda yina kewakana ti bampusa ya bawi. Aprili mpi Mayi: Nzozulu ya Nkengi mpi Réveillez-vous ! Kana muntu kumonisa mpusa, songa yandi trakiti Keti Nge Tazola Kuzaba Kyeleka? mpi sala bikesa sambu na kuyantika kulonguka Biblia ti bo. Ntangu beno tavutukila bantu yina kukwisaka na Lusungiminu to na balukutakanu yankaka ya dibundu kansi ya kevukanaka ve mbala na mbala ti dibundu, beno sala ngolo sambu na kuyantika kulonguka ti bo na kusadilaka mukanda Biblia Kelongaka.

◼ Lusungiminu tasalama na Kizole, Aprili 5, 2012. Kana dibundu na beno kesalaka balukutakanu na Kizole, beno tasala balukutakanu yango kilumbu yankaka kana kele ti kilumbu mosi yina mabundu yankaka kesalaka ve balukutakanu. Kana kilumbu yankaka ya kusala yo kele ve, beno lenda pona masolo ya Lukutakanu ya Kisalu yina kele mfunu mingi sambu na dibundu na beno mpi kukotisa yo na Lukutakanu ya Kisalu ya mposo yina kelanda.

◼ Na Balukutakanu ya Kisalu ya bilumbu kekwisa, beto tatadila bavideo yai zole: Les jeunes s’interrogent, Comment se faire de vrais amis ? mpi Que vais-je faire de ma vie ? Kana beno kele na mfunu na yo, beno fwete lomba yo na ntwala na nzila ya dibundu.

◼ Keti sekretere tindaka Rapport du Mémorial (S-7)? Mutambusi ya kimvuka ya bankuluntu tazikisa kana sekretere tindaka rapore na biro ya filiale na nsuka ya mposo ya Lusungiminu. Mitindu yankaka ya kutinda rapore: beno tinda yo na SMS to na site ya Internet jw.org, kana dibundu na beno mekangulaka konti na site yai (tala mikanda ya 12/15/2006 mpi 8/16/2011).