Baluzayisu

◼ Mikanda ya kukabula na Yuli mpi Augusti: Beno lenda sadila konso kamukanda yina ya balutiti 32, na kati ya tumikanda yai: La Bible — Quel est son message ?, La vie a-t-elle été créée ?, to Une vie pleinement satisfaisante : comment ? Ntangu nge kesala bamvutukilu ya mpa, songa muwi mukanda Biblia Kelongaka to kamukanda mosi na kati ya tumikanda yai: Widikila Nzambi to Widikila Nzambi mpi Zinga Kimakulu, kana yo kewakana ti bampusa ya muwi; meka mpi kuyantika kulonguka Biblia ti yandi.

◼ Beto keyibusa na mawete yonso bimvuka ya bankuluntu na kuyantika kudibongisa sambu na kufulusa formilere yai ya bo kefulusaka konso mvula, Liste pour maintenance et sécurité de la Salle du Royaume (CN-14). Beno fwete tinda formilere yai na ntwala ya Septembri 1.

◼ Mukumba ya nkengi ya kimvuka ya kisalu ya bilanga kele ya kusadisa na kubaka barapore ya kisalu ya bilanga na bansamuni mpi na bapasudi-nzila ya kimvuka na yandi. Konso nsamuni lenda sadisa nkengi ya kimvuka na bo na kupesaka rapore na yandi ya kisalu ya bilanga kukonda kusukinina. Kusala mutindu yai tasadisa Betele na kuvukisa na ntangu ya mbote barapore ya mabundu yonso na nsuka ya konso ngonda. Dyambu yai kele mfunu kibeni sambu na Yuli mpi Augusti sambu na kumanisa mbote-mbote rapore ya kisalu ya kusamuna ya mvula ya mvimba. (Tala Beto Mevukana, kapu 5 lut. 45).

◼ Beto Yimbila Yehowa—Bankunga ya Kuyimba, Diske 5 kubasikaka na Augusti 1 mpi beno lenda baka yo na site Internet jw.org. Yo kele ntete na Kingelesi, mpi na bilumbu kekwisa bo tatula yo mpi na bandinga ya nkaka. Beno lenda lomba ba CD na yo na nzila ya dibundu na beno. Sambu kubaka yo na Internet kele ntalu mingi ve kuluta kubasisa yo na badiske mpi kutinda yo, beto kesyamisa bantu yina kesadilaka Internet na kubaka yo kuna. Zaba nde badiske 1-4 mebasikaka dezia.