Baluzayisu

◼ Oktobri: Nzozulu ya Nkengi mpi Réveillez-vous ! Ntangu nge kesala bamvutukila ya mpa, pesa bawi mukanda Biblia Kelongaka to kamukanda mosi na kati ya tumikanda yai, Widikila Nzambi to Widikila Nzambi mpi Zinga Kimakulu, kana yo kewakana ti bampusa ya muwi; meka mpi na kuyantika kulonguka Biblia ti yandi. Novembri mpi Desembri: Keti Nge Tazola Kuzaba Kyeleka?, Kubika Fyoti Bampasi Yonso Kumana!, Yehowa​—Yandi Kele Nani?, to Yezu Kristu​—Yandi Kele Nani? Kana muntu memonisa mpusa, songa yandi mutindu beto kelongukaka Biblia ti bantu na nsadisa ya mukanda Biblia Kelongaka, to ya tumikanda Widikila Nzambi to Widikila Nzambi mpi Zinga Kimakulu. Yanuari Februari: Beno lenda sadila konso kamukanda yina ya balutiti 32 na kati ya tumikanda yai: Keti ya Kyeleka Nzambi Kekudibanzaka Sambu na Beto?, Ntangu Muntu ya Nge Kezolaka Mefwa..., to Nge Lenda Vanda Nduku ya Nzambi! Ntangu nge kesala bamvutukila ya mpa, pesa bawi mukanda Biblia Kelongaka to kamukanda mosi na kati ya tumikanda yai, Widikila Nzambi to Widikila Nzambi mpi Zinga Kimakulu, kana yo kewakana ti bampusa ya muwi; meka mpi na kuyantika kulonguka Biblia ti yandi.

◼ Na Oktobri, mabundu yonso ya kevukanaka na Nzo ya Kimfumu mosi fwete tadila dyaka ntangu ya kuyantika balukutakanu na bo banda na Yanuari 1, 2013 mpi kana bo mesala bansoba, bo fwete zabisa yo biro ya filiale na Desembri 1. Kana dibundu na beno kele na konti na site ya Internet jw.org, beto kelomba beno na kusoba ntangu ya balukutakanu na beno na kisika bo mesonika Congregation/​Horaires des réunions.