“Bangindu ya Kusadila Sambu na Kukabula Bazulunalu na . . .”

Konso ngonda, disolo mosi ya Lukutakanu na beto ya Kisalu ya ke tubilaka mutindu ya kukabula bazulunalu. Lukanu na yo ke vandaka ve ya kutadila masolo yina kele na kati ya bazulunalu, kansi ya kutadila bangindu ya kusadila sambu na kukabula bazulunalu. Yo yina, mutindu bantuma ke monisa yo, mpangi yina bo me pona ta tubila na bunkufi kibeni bangogo ya luyantiku sambu na kupesa bampangi mpusa ya kusadila bazulunalu. Na nima, yandi ta lomba mpangi mosi mosi na kupesa bangindu sambu na disolo mosi (to masolo ya kulandana); mpidina, bampangi yonso lenda landa kumosi mpi kusonika bangindu yina bo ta sadila. Na kisika ya kulomba bawi na kutubila bangindu yonso ya bo ta sadila, yandi ta lomba bo na kutubila bangiufula yina ta sepedisa bantu ya teritware, mpi kupesa baverse yina bo ta tanga. Na nsuka, yandi ta sadisa bansonga ya ke monisa mutindu ya kukabula konso zulunalu. Bo ke siamisaka beto na kutanga bazulunalu na ntwala ya kukwisa na balukutakanu mpi kuvanda ya kuyilama sambu na kupesa bangindu na beto. Kana beto yonso ke kudibongisa mbote na ntwala, disolo yai ta sadisa beto na kupesana mayele.​—Bing. 27:17.