Baluzayisu

◼ Mikanda ya kukabula na Desembri: Keti Nge Tazola Kuzaba Kyeleka?, Kubika Fyoti Bampasi Yonso Kumana!, Yehowa​—Yandi Kele Nani?, to Yezu Kristu​—Yandi Kele Nani? Kana muntu kumonisa mpusa, monisa yandi mutindu kulonguka ya Biblia ke salamaka na nsadisa ya mukanda Biblia Kelongaka to ya kamukanda mosi na kati ya tumikanda yai: Widikila Nzambi to Widikila Nzambi mpi Zinga Kimakulu. Yanuari mpi Februari: Beno lenda sadila konso kamukanda yina ya balutiti 32, na kati ya tumikanda yai: Keti ya Kyeleka Nzambi Kekudibanzaka Sambu na Beto?, Nge Lenda Vanda Nduku ya Nzambi!, to Ntangu Muntu ya Nge Kezolaka Mefwa... Ntangu nge ke sala bamvutukilu ya mpa, pesa bawi mukanda Biblia Kelongaka to kamukanda mosi na kati ya tumikanda yai, Widikila Nzambi to Widikila Nzambi mpi Zinga Kimakulu, kana yo ke wakana ti bampusa ya muwi; meka mpi na kuyantika kulonguka Biblia ti yandi.

◼ Na 2014, Lusungiminu ta salama na Kintete, Aprili 14.

◼ Bansamuni yina ta sala kisalu ya kimupasudi-nzila nsadisi na ngonda ya Marsi 2013 ta pona kana bo ta pesa bangunga 30 to 50 yina bo me lomba na ngonda yai. Diaka, kana nkengi ya nzyunga ta tala dibundu na beno na Marsi, beto ke lomba bansamuni yonso yina ta sala kisalu ya kimupasudi-nzila nsadisi na ngonda yina na kuvukana na lukutakanu yina nkengi ya nzyunga ta sala ti bapasudi-nzila ya ntangu yonso banda luyantiku tii na nsuka.

◼ Kana bantu mingi ke sadilaka ve Internet na bwala na beno, na kisika ya disolo yina ke tubila Internet, nkuluntu mosi ya kele ti eksperiansi lenda sala disolo Mutindu ya Kusosa Bansangu; yo kele na balutiti 33 tii na 38 ya mukanda Baka Mambote na Malongi ya Nzo-Nkanda ya Kisalu ya Teokrasi. Beno sala bansonga zole, kana mpila kele. Nsonga ya ntete ke monisa dibuta mosi ke tadila kantu-diambu Sadila Mukanda na Beto ya Ntetentete ya Kusosila Bansangu: Biblia, mpi bo ke sadila bareferanse yina kele na kati-kati ya Biblia sambu na kuzaba mambu mingi ya me tala verse mosi to zole. Ya zole ke monisa dibuta mosi ke tadila kantu-diambu Longuka na Kusadila Bisadilu Yankaka ya Kusosila Bansangu, mpi bo ke sadila index Biblique yina kele na mukanda Index des publications Watch Tower sambu na kuzwa mikanda yina ke tendula verse mosi ya bo ke tadila na lusambu ya dibuta.