Baluzayisu

◼ Mikanda ya kukabula na Marsi mpi Aprili: Nzozulu ya Nkengi mpi Réveillez-vous ! Na bamvutukila ya mpa, songa muwi mukanda Biblia Kelongaka to kamukanda Widikila Nzambi to Widikila Nzambi mpi Zinga Kimakulu, kana yo ke wakana mpenza ti bampusa na yandi; meka mpi kulonguka Biblia ti yandi.

◼ Sambu tumikanda ya mpa, Banani Kesalaka Luzolo ya Yehowa Bubu Yai? mpi Nsangu ya Mbote ya Mekatuka na Nzambi! kukondana ve na mabundu, beno fwete tadilaka bampusa na beno mpi kulomba yo mbala na mbala na nima ya bangonda tatu. Beno lenda sadila formilere S-14.

◼ Beto ke na kiese ya kuzabisa beno nde banda na Aprili 2013, Nzozulu ya Nkengi ya bo me vukisa masolo ya kulonguka ti masolo ya nkaka ta basikaka mbala mosi na ngonda na ndinga ya Kisonge; bo ta basisaka mpi Kisalu na Beto ya Kimfumu banda na Yuni 2013.

◼ Beto ta sala Lusungiminu na Kizole, Marsi 26, 2013. Kana beno ke salaka balukutakanu na Kizole, beno ta sala yo kilumbu ya nkaka, kana Nzo ya Kimfumu ta vanda ya mpamba. Kana yo ke lomba nde beno sala ve Lukutakanu ya Kisalu, mutambusi ya kimvuka ya bankuluntu lenda soba manaka ya lukutakanu ya nkaka na ngonda sambu beno tadila masolo yina ke wakana mpenza ti bampusa ya dibundu na beno. Mabundu yina ta yamba nkengi ya nziunga fwete sala balukutakanu ya Kizole na kilumbu ya nkaka na nsungi ya viziti.