Bansangu ya Mfunu ya Kisalu ya Bilanga

Na Kinshasa na Yanuari 17, 2015, bo pesaka na Nzambi banzo ya mpa ya bo tungaka sambu na banzo-nkanda. Yantika ntangu yai, Nzo-Nkanda ya Bankengi ya Nziunga mpi Bankento na Bo, mpi Nzo-Nkanda ya mpa ya Bansamuni ya Kimfumu ta salamaka na kisika yango. Bantu 1 264 landaka diskure yina mpangi ya Nto-Kimvuka Gerrit Lösch salaka. Na kilumbu yina landaka, mpangi Lösch twadisaka manaka sambu na kupesa maplome na bana ya nzo-nkanda makumi tanu ya banzo-nkanda zole ya ntete ya Bansamuni ya Kimfumu yina salamaka na teritware na beto. Na nima ya midi, lukutakanu mosi ya mfunu salamaka na Nzo ya Balukutakanu ya Nene na Kinshasa na Limete. Ntu-diambu ya diskure vandaka “Beto Ke Zinga Dezia na Bumosi na Ntoto ya Mvimba Bubu yai.” Diaka, bo tubilaka mutindu kisalu ya kusamuna yantikaka na Congo-Kinshasa mpi na Congo-Brazzaville . . . Na nima, bampangi ya nkaka landaka diskure yango ya bo kotisaka ndinga na bisika mingi na teritware na beto. (Na mwa bisika ya nkaka, bampangi talaka video na yo) Bampangi ya babakala mpi ya bankento kuluta 115 177 bakaka mambote ya diskure yai.