Septembri 10-16
YOANE 3-4
Nkunga 57 mpi Kisambu
Bangogo ya Luyantiku (Min. 3 to na nsi)
BIMVWAMA YA NDINGA YA NZAMBI
“Yezu Ke Ta Kimbangi na Nkento Mosi ya Musamaria”: (Min. 10)
Yoa 4:6, 7—Ata Yezu vandaka ya kulemba, yandi solulaka ti nkento mosi ya Samaria (“lembaka ngolo” noti ya kulongukila ya Yoa 4:6, nwtsty-E)
Yoa 4:21-24—Kimbangi ya dibaku ya mbote yina Yezu taka sadisaka bantu mingi na kuzaba Mesia
Yoa 4:39-41—Bikesa yina Yezu salaka sadisaka bantu mingi ya Samaria na kukwikila na yandi
Timuna Sambu na Kusosa Bimvwama ya Kimpeve: (Min. 8)
Yoa 3:29—Inki mutindu beto ke bakisa verse yai? (“nduku ya bakala yina ke kwela” noti ya kulongukila ya Yoa 3:29, nwtsty-E)
Yoa 4:10—Ziku nki mutindu nkento ya Samaria bakisaka bangogo yai ya Yezu “masa ya luzingu,” kansi nki Yezu vandaka kutubila? (“masa ya luzingu” noti ya kulongukila ya Yoa 4:10, nwtsty-E)
Lutangu ya Biblia ya mposo yai me longa nge nki sambu na Yehowa?
Inki bimvwama ya nkaka ya kimpeve nge me zwa na lutangu ya Biblia ya mposo yai?
Lutangu ya Biblia: (Min. 4 to na nsi) Yoa 4:1-15
KUDIPESA NA KISALU YA BILANGA
Na Mbala ya Ntete ya Nge Me Kutana ti Muntu: (Min. 2 to na nsi) Sadila mbandu ya disolo ti muntu.
Video ya Mvutukilu ya Mpa ya Ntete: (Min. 5) Songa video mpi tubila yo ti bawi.
Diskure: (Min. 6 to na nsi) wp16.2-F 9 § 1-4—Ntu-diambu: Tendula Yoane 4:23.
ZINGA MUTINDU BAKRISTU FWETE ZINGA
“Beto Yedisa Mayele na Beto na Kisalu ya Kusamuna—Yantika Disolo Yina Lenda Sadisa na Kuta Kimbangi”: (Min. 15) Disolo ti Bawi. Na nima siamisa bawi na kuyantika disolo kaka na mposo yina. Sambu na lukutakanu yina ta landa, bansamuni ta tubila mambu yina bo kutanaka ti yo ntangu bo yantikaka masolo ti bantu.
Kulonguka ya Biblia ya Dibundu: (Min. 30) jy kapu 35 § 20-27, lupangu “Yezu Ke Vutukila Malongi Ntangu Yandi Ke Longa”
Mvutukilu mpi Mambu ya Beto Ta Longuka na Mposo Ke Kwisa (Min. 3)
Nkunga 35 mpi Kisambu